Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddaraf
Post Cyntaf - Côr Glanaethwy - Rhian Roberts
cerddorol - musical
argraff - impression
y fraint - privilege
cymharu - to compare
mynd o'i le - to go wrong
enfawr - huge
cynulleidfa - audience
nod - aim
pleidlais gyhoeddus - public vote
cynnwrf - excitement
ac mae hi wedi bod yn wythnos o ddathlu talentau cerddorol yma yng Nghymru. Mae'r rhaglen deledu Britain's got Talent wedi profi un peth yn sicr wythnos diwetha; Wales' got talent. Mae Côr Glanaethwy o Fangor wedi creu argraff fawr ar neb llai na Simon Cowell wrth iddyn nhw gystadlu am y fraint o gael perffomio yn y Royal Variety. Mae gan y côr 163 o aelodau, ac felly'n llenwi sawl bws yn ogystal â llwyfan Britain's got Talent! Rhian a Cefin Roberts sy' wedi sefydlu'r côr a Kate Crockett gafodd sgwrs gyda Rhian am y profiad arbennig o gystadlu ar y rhaglen deledu.
Dylan Jones - Côr Glanaethwy - Awen Edwards
anffodus - unfortunate
annisgwyl - unexpected
anlwcus - unlucky
aflwydd - misfortune
drysau - doors
andros - tremendous
gwefreiddiol - sensational
Mi fasech chi'n meddwl bod perfformio ar lwyfan Britain's Got Talent yn ddigon o gynnwrf, yn basech? Yn anffodus, mi wnaeth pedwar aelod o Gôr Glanaethwy gael cynnwrf o'r math arall un bore, a hynny mewn lifft! Dyma Awen Edwards, un o'r aelodau anlwcus, efo'r hanes.
Eisteddfod yr Urdd - Eban a'i ieir
ieuenctid - youth
llefaru - to recite
offerynnau - instruments
bwydo - to feed
cwsmeriaid - customers
wedi'i sgramblo - scrambled
melynwy - yolk
(Backlink canlyniad BGT) ac o lwyfan Britain's got Talent i lwyfan Eisteddfod yr Urdd awn ni nesa'. Yr eisteddfod ydy'r ŵyl ieuenctid fwyaf yn Ewrop. Canu, llefaru, dawnsio, canu offerynnau ac ysgrifennu ydy'r prif gystadlaethau ac eleni roedd yr eisteddfod yn cael ei chynnal yng Nghaerffili. Nia Lloyd Jones oedd yn sgwrsio gefn llwyfan gyda'r cystadleuwyr, a dyma hi efo Eban Sion Parri o Aberdaron. Ond roedd gan Eban fwy o ddiddordeb mewn siarad am ei naw iâr nac am ei ganu!
Eisteddfod - Tommy Cooper
unawd - solo
alaw werin - folk song
lleoliad - location
digrifwr - comedian
her - challenge
sandalau - sandals
llwglyd - starving
Cnocell y Coed - Woodpecker
...ac mae'n rhaid bod bwyta wyau yn dda at y llais! Mi ddaeth Eban yn drydydd yn y gystadleuaeth unawd alaw werin. Llongyfarchiadau i ti, Eban. Rwan, wrth feddwl am Gaerffili, sef lleoliad yr eisteddfod eleni, mi fydda i'n meddwl am ddau beth; y castell a'r caws. Ond mae Caerffili yn enwog am rywbeth arall hefyd. Roedd y digrifwr Tommy Cooper yn dwad o'r ardal yn wreiddiol, ac i gofio amdano, her Iwan Griffiths ddydd Llun oedd casglu gymaint o jôcs Tommy Cooper ag oedd bosib. Mwynhewch!
