Ar fin dathlu ei benblwydd y newyddiadur Garry Owen oedd gwestai arbennig rhaglen Dewi Llwyd fore Sul 29.04.12
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Drwy Ddydd Gwener Ebrill 27 2012 bydd Radio Cymru yn rhoi pwyslais ar y gorau o gerddoriaeth werin gyda sesiynau byw a sgyrsiau gyda chantorion gwerin Cymru.
Bydd Dafydd a Caryl yn gofyn i'r gwrandawyr gynnig eu hoff gân werin ac yn cael sgwrs gydag Angharad Jenkins o'r grŵp Calan.
Nia Roberts fydd yn darlledu'n fyw o Dŷ Siamas, Canolfan Genedlaethlol Cerddoriaeth Werin Cymru, yn Nolgellau. Bydd sgwrs gyda Siân James a thrac ecscliwsif oddi ar ei CD newydd. Hefyd bydd Arfon Gwilym ac Ywain Myfyr yn cyfrannu i'r rhaglen.
Geraint Lloyd fydd yn cael sgwrs a chân ecscliwsif gydag aelodau Parti Gungrog, bydd Gai Toms yn perfformio sesiwn byw ar raglen Lisa Gwilym, Ryland Teifi yn sgwrsio hefo Ifan Evans a Threatmantics yn perfformio sesiwn byw ar raglen Huw Evans.
Gwefan - BBC Cerddoriaeth
Mae BBC Cymru wedi croesawu'r newyddion y bydd amlblethiad newydd radio digidol yn cael ei lansio ym mis Tachwedd, fydd yn galluogi dwy orsaf radio genedlaethol BBC Cymru i ddarlledu'n ddigidol yng Ngogledd Ddwyrain Cymru .
Bydd MuxCo yn lansio amlblethiad radio digidol yn ddiweddarach yn y flwyddyn yn Lerpwl, Sir Gaer a Gogledd Ddwyrain Cymru ac, yn amodol ar y cytundeb, bydd yn hwb pellach i ddarlledu digidol y ddwy orsaf yng Nghymru.
"Mae hyn yn newyddion da i BBC Radio Cymru, BBC Radio Wales a chynulleidfaoedd yn y Gogledd Ddwyrain," meddai Rhodri Talfan Davies, Cyfarwyddwr BBC Cymru, "gan y bydd y gwrandawyr yn gallu gwrando ar y ddwy orsaf gyda'r safon gorau posib o sain, yn ddigidol."
"Mae hyn yn newyddion gwych i BBC Radio Wales," meddai Steve Austins, Golygydd BBC Radio Wales. "Mae gennym dîm wedi ei leoli yn Wrecsam, sy'n sicrhau bod lleisiau Gogledd Ddwyrain Cymru yn cael eu clywed ar draws ein rhaglenni. Rydym wrth ein boddau y bydd pobol nawr yn gallu gwrando yn ddigidol."
Meddai Sian Gwynedd, Pennaeth Rhaglenni a Gwasanaethau Cymraeg BBC Cymru: "Mae BBC Radio Cymru yn ymfalchïo ein bod yn adlewyrchu Cymru gyfan ac mae'r datblygiad yma yn golygu bod yr orsaf yn gallu cynnig ei hystod ddifyr a pherthnasol o raglenni i'w chynulleidfa yn y Gogledd Ddwyrain trwy DAB."
Cyn dathlu ei benblwydd yr wythnos hon yr actor Gareth Lewis sy'n portreadu Meic Pierce ym Mhobol y Cwm oedd gwestai Dewi Llwyd fore Sul 22.04.12 .
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Cyn dathlu ei phenblwydd yr wythnos hon y gantores, actores, cyfansoddwraig, dynwaredwraig a chyflwynydd boreol ar Radio Cymru - yr amryddawn Caryl Parry Jones oedd gwestai Dewi ar fore Sul Ebrill 15fed.
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Bydd gwrandawyr BBC Radio Cymru yn pleidleisio yn frwd ledled Cymru nos Fercher, Ebrill 18 wrth i Rownd Derfynol Brwydr y Bandiau Mentrau Iaith Cymru / C2 Radio Cymru 2012 gyrraedd ei uchafbwynt.
Wedi wythnosau o frwydro cerddorol a pherfformiadau safonol, dim ond pedwar band sydd bellach yn sefyll ar gyfer y frwydr olaf un. Bydd y bandiau yn dibynnu’n llwyr ar bleidleisiau’r gwrandawyr i benderfynu pwy ddaw i’r brig.
Darlledir y rownd derfynol ar nos Fercher, Ebrill 18 ar C2 BBC Radio Cymru lle bydd y gwrandawyr yn cael cyfle i glywed traciau a recordiwyd yn arbennig mewn stiwdio broffesiynol a chael clywed barn y panelwyr swyddogol - Elin Fflur, Guto Brychan ac Ywain Gwynedd.
Y bandiau llwyddiannus yw:-
Nebula - disgyblion yn ysgol Gyfun Bryn Tawe, Abertawe
Llŷr Thomas, llais/gitâr (18 oed), Ifan James, gitâr flaen (18 oed), Gareth Thomas, bas/piano (17 oed), Daniel Gough, gitâr rhythm (18 oed), Will Mason Jones, drymiau (16 oed), Kate Harwood, llais cefndir (17 oed).
“Nethon ni ddechrau’r band achos o’n i’n teimlo bo ni isie dod a cherddoriaeth fwy gwreiddiol i’r sin roc Gymraeg. Ni’n chwarae cerddoriaeth roc traddodiadol, ond yn fwy gwreiddiol. Mae’n anodd cael gigs Cymraeg yn ne Cymru, felly bydd y gystadleuaeth bendant yn helpu ni,” meddai Llyr.
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Fast Fuse - disgyblion yn ysgol Gyfun Bryn Tawe, Abertawe
Morgan Stronel, dryms (16 oed), Mitchell Attwell, gitâr fas (16 oed), Jordan Casey, gitâr/llais (16 oed), Dylan Michael, gitâr flaen (16 oed).
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Sgidie Glas - disgyblion yn ysgol Dyffryn Teifi, Llandysul
Daniel Jardine, llais (16 oed), Gwyn Rennolf, drymiau (16 oed), Alun Rennolf, gitâr flaen (17 oed), Guto Jones, gitâr rhythm (16 oed), Joseph Raine, gitâr fas (17 oed).
“Sŵn roc Cymraeg sydd gyda ni. Alun yw’r prif gyfansoddwyr a wi’n lico ysgrifennu’r geiriau yn ogystal ag Alun. Ni dal yn ifanc ac yn awyddus i ddysgu - bydden i ddim yn rhoi perfformio yn y band fyny. Bydde fe’n golygu popeth i ennill hwn - ni isie neud enw i’n hunen dros Gymru,” meddai Daniel.
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Tymbal - disgyblion yn ysgol Bro Myrddin, Caerfyrddin
Gwyn Rosser, Gitâr a llais (16 oed), Emyr Sion Taylor, Dryms (16 oed), Toby Pitts, Bas (17 oed)
“Mae fe’n llwyfan da ar gyfer bandiau ifanc o Gymru i gael ein gweld a’n clywed ac yn ffordd dda o gael sylw i’r band. Mae cerddoriaeth ni’n eithaf blues/roc trwm a ni’n teimlo bod y sŵn yn ffres a newydd - ni’n defnyddio lot o arddulliau gwahanol. Mae’r bandiau arall yn dda iawn felly mae cystadleuaeth gyda ni,” meddai Gwyn.
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Bydd y grŵp buddugol yn cael:-
• cytundeb i recordio Sesiwn i C2, Radio Cymru (fel arfer 3 cân)
• perfformio mewn Gŵyl fawr genedlaethol megis Maes B, yr Eisteddfod Genedlaethol
• perfformio yng Ngŵyl Sŵn 2012
• perfformio ar lwyfan y Pentref Ieuentid, Sioe Frenhinol 2012
• chwarae yng Ngŵyl Gwydir
• cael erthygl 'tudalen-lawn' yn un o rifynnau o gylchgrawn 'Y Selar'
• sesiwn luniau hanner diwrnod gyda ffotograffydd proffesiynol
• cynnig i chwarae mewn gigs Mentrau Iaith Cymru
Ar Sul y Pasg, Archesgob Cymru y Parchedicaf Ddr Barry Morgan oedd gwestai Dewi Llwyd fore Sul Ebrill 8fed.
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Mi fydd miloedd o ddiffinyddion yng Nghymru a Lloegr yn colli'r hawl sylfaenol o fynd a'i achos gerbron rheithgor os bydd y llywodraeth yn bwrw ymlaen â chynlluniau i roi mwy o bwerau a chyfrifoldebau i lysoedd ynadon y ddwy wlad. Ymhlith y troseddau fydd yn cael eu trosglwyddo i ofal llysoedd ynadon fydd rhai achosion o ddwyn, lladrad ymosodiadau ar berson ac achosion yn ymwneud â chyffuriau. Amgangyfrifir y byddai newidiadau o'r fath yn arbed tua 30 miliwn o bunnau y flwyddyn i'r trysorlys. Ond mae nifer o fudiadau hawliau sifil ac aelodau o'r byd cyfreithiol yn gwrthwynebu'r newidiadau gan ei fod yn eu tyb nhw yn diddymu un o hawliau sylfaenol democratiaeth a chyfiawnder. John Meredith sy'n manylu. Manylu, nos Lun 2il o Ebrill am 6.03pm ar Radio Cymru.
Dyma'r gân gan Caryl Parry Jones yn arbennig i fabanod Mis Mawrth 2012.
Cofiwch gysylltu â Dafydd a Caryl os am sicrhau fod enw aelod diweddara'r teulu neu fabi i ffrind yng nghan "Babis mis Ebrill!"
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Ar ddiwrnod ei benblwydd, un a fu yn athro, cyn dod yn Aelod Seneddol ac Aelod Cynulliad, Cynog Dafis oedd gwestai arbennig Dewi Llwyd heddiw ar Ebrill 1af.
In order to see this content you need to have both Javascript enabled and Flash Installed. Visit BBC Webwise for full instructions. If you're reading via RSS, you'll need to visit the blog to access this content.
Neidio i fwy o gynnwys o’r blog hwn
Mae Blog Radio Cymru yn cynnwys gwybodaeth am raglenni, cyflwynwyr a lluniau. Radio Cymru - Blog - Tanysgrifio(RSS)
Radio Cymru - Blog - Tanysgrifio(ATOM)
Ddim yn siwr beth yw RSS? Edrychwch ar ein canllaw defnyddiol i ddechreuwyr.
Lawrlwythwch neu tanysgrifiwch i'r podlediadau wythnosol, am ddim.
