Archifau Mawrth 2011

....... ma nhw angen eich pleidlais CHI heno yn rownd gyn-derfynol Brwydr y Bandiau, Mentrau Iaith Cymru, C2 Radio Cymru 2011.

3 beirniad yn y rhoi eu barn heno - Rhodri Llwyd Morgan, Ian Cottrell, Mei Gwynedd - ond chi yw'r gwir feirniaid. Chi sy'n dewis pa ddau fydd yn cyrraedd y rownd derfynnol.

Rhaglen am 8 heno bbc.co/uk/c2. Llinellau pleidleiso yn agor am 9.30.

Bydd y rownd derfynol yn cael ei chynnal yn fyw ar C2 ar nos Fercher, Mai 4ydd, ac eisioes wedi sicrhau eu lle mae Sian Miriam ac Y Saethau. Pa ddau fand fydd yn ymuno a nhw heno? CHI sydd yn penderfynu.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Yn dilyn nifer o erthyglau a sylwadau diweddar am dranc y Sîn Roc Gymraeg, bydd trafodaeth arbennig ar raglen Huw Stephens yn edrych ar ddyfodol cerddoriaeth yn yr iaith Gymraeg.

Bydd Huw a'i banelwyr yn trafod dyfodol gigio a'r sîn fyw, yr anghydfod PRS, cynulleidfaoedd Cymru, yr her sy'n wybebu unrhyw un sydd am ryddhau cerddoriaeth a llawer mwy.

Rydym am i CHI fod yn rhan o'r drafodaeth.

Bydd modd cysylltu ar y noson ar Facebook a Twitter a thrwy e-bostio a tecstio. Oes genych chi gwestiwn i'n panelwyr?

Y panel fydd:

Owain Schiavone: Golygydd Y Selar ac awdur yr erthygl 'R.I.P SRG'

Hefin Jos: Sefydliad Cerddoriaeth Gymreig a rheolwr label Sbrigyn Ymborth

Dilwyn Llwyd: Trefnydd gigs a gwyliau 'Coll' a phrif leisydd Yucatan

Ymunwch â ni'n fyw am 10, nos Lun yr 28ain o Fawrth.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Nosweth dda unwaith eto. Fi Ifan Evans sy ma yn barod i'ch diddanu (gobitho)! Dwi di bod yn ofnadw o brysur ers wthnos dwetha. Ma'r wyn bach di dechre cyraedd ar y fferm, a dros y penwythnos fues i lawr yn Theatr y Grand yn Abertawe yn arwain ar y llwyfan yng nghystadleuaeth hanner awr o adloniant Mudiad y Fermwyr Ifanc, a mi odd hi'n benwythnos gwych. Pawb wedi joio mas draw!



Ma genai raglen llawn dop i chi heno unwaith eto, yr actor adnabyddus Aled Pugh yw fy ngwestai arbennig, a fe felly fydd yn dod ar Ifan yr Injan, ond i ble fydd y tren bach yn mynd heno tybed? A mi fydd y gwr drwg - Owain Llyr yn ymuno a fi fel arfer i edrych yn ol ar chwaraeon y penwythnos. Digon o hwyl a lot o chwerthin rhwng 10 a 12 felly ar c2. Cofiwch wrando!

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Wel helo fawr iawn i chi gyd. Gobitho bo chi wedi cal penwythnos wrth eich bodd ac wedi neud y mwya o'r tywydd braf.

Ma gennai ddigon ar eich cyfer chi heno fel arfer achos fy ngwestai arbennig i fydd Aeron Pughe o'r band Hufen Iâ Poeth. Mae en actio, canu, arwain nosweithiau llawen a ffermio - a dweud y gwir mae en gallu neud bach o bob dim! A hefyd mi fydd Owain Llŷr yma yn edrych yn ôl ar chwaraeon y penwythnos. Cofiwch wrando felly rhwng deg a hanner nos.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Llongyfarchiadau enfawr i holl enillwyr gwobrau cylchgrawn Y Selar 2010!

Sengl Orau -

1. Dal Dy Drwyn /Can Y Tan - Y Bandana

2. Dolffin Pinc a Melyn - Jen Jeniro

3. Cyfrinach - Clinigol

Ennillydd : Dolffin Pinc a Melyn: Jen Jeniro

EP Gorau

1. Yr Ods - Yr Ods

2. Cerdyn Nadolig - Colorama

3. Swigod - Clinigol

Ennillydd: Yr Ods: Yr Ods

Digwyddiad Byw Gorau

1. Gadael Yr Ugeinfed Ganrif - Gareth Potter

2. Maes B - Glyn Ebwy

3. Gwyl Gwydir

Ennillydd - Maes B - Glynebwy!

Clawr CD Gorau

1. Yr Ods - Yr Ods

2. Dyddiau Gwyn - Cowbois Rhos Botwnnog

3. Nos Da - Gildas

Ennillydd- Nos Da: Gildas

Cân Orau

1. Dolffin Pinc a Melyn - Jen Jeniro

2. Y Bel Yn Rowlio - Yr Ods

3. Can Y Tan - Y Bandana

Ennillydd - Cân y Tân: Y Bandana

Band neu artist newydd

1. Sensegur

2. Crash. Disco!

3. Yr Angen

Ennillydd - Crash. Disco!

Artist Unigol Gorau

1. Gildas

2. The Gentle Good

3. Mr Huw

Ennillydd: The Gentle Good

DJ Gorau

1. Crash. Disco!

2. Meic P

3. Huw Stephens

Ennillydd: Huw Stephens

Hyrwyddwr Gorau

1. Dilwyn Llwyd (Noswithau Morgan Lloyd, a Gwyl Gardd Goll)

2. Guto Brychan - Gigs Clwb a Maes B

3. Criw Nyth - Noswethiau yn Gwdihw, caerdydd

Ennillydd: Dilwyn Llwyd

Band Gorau

1. Y Niwl

2. Y Bandana

3. Yr Ods

Ennillydd - Y Bandana

Albwm y Flwyddyn - Dyddiau Du, Dyddiau Gwyn: Cowbois Rhos Botwnnog

Wedi ei ddewis gan gyfranwyr rheolaidd y cylchgrawn.

Am y manylion i gyd darllenwch y rhifyn diweddaraf yma: www.y-selar.com

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae heddiw'n ddiwrnod gwych a gwallgo i griw Dodd Com. Byddai'r ffaith ei bod hi'n ddiwrnod crempog yn esgus digon da i gael dathliad hanner pan ond mae hi hefyd yn ben-blwydd ar yr hyfryd Magi Dodd! Achlysur am barti os buodd 'na un erioed!

Daeth Greta Isaac o Ysgol Gyfun Bro Morgannwg sy'n gogyddes o fri i'r stiwdio i osod her i'r criw i greu crempogau teilwng i ddathlu pen-blwydd ein Brenhines Bop. A dyma'r canlyniadau...

Cofiwch wrando am saith o'r gloch ar y we i weld pwy ddaeth i'r brig...

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Hei - nodyn sydyn cyn mynd lawr ir stiwdio i ddweud diolch eto i griw ysgol Gyfun Gwynllyw am y croeso heddi'. Mi oeddech chi'n wych!

Mi fydd cyfle i glywed eu dewisiade cerddorol, eu barn ar bwy ddyle fod yn gwisgo crys rhif 10 dros Gymru, y pethe na ellith nhw fyw hebddyn nhw, ac am y tro cynta' erioed, cân gan fand newydd yr ysgol Chwyldro 7. Mi gewch chi glywed y gân Dwi Ddim Isie rhwng 7 ac 8 ar Dodd Com!

Magi (a Siân a Tref a Mei!)

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Yn gynta, ga'i ddymuno dydd Gŵyl Dewihapus iawn i chi! Mae'n braf bod nôl yn y sedd fawr, a diolch yn fawr iawn i Dylan Ebenezer am gadw pethe i fynd tra mod i'n llenwi fewn i Daf Du wthnos dwetha. Ma gennai raglen llawn dop ar eich cyfer chi heno to, achos fy ngwestai arbennig yw'r athletwr Aled Siôn. Mae en brysur iawn yn creu enw i'w hunan, a dwi'n edrych mlan i gal sgwrs fach da fe nes mlan. Hefyd fydd yr anfarwol Owain Llŷr yma i drafod chwaraeon y penwythnos a lot mwy. Cofiwch wrando felly rhwng deg a hanner nos.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Band Gwyliwch y Gofod ar C2 yr wythnos yma yw Y Saethau - band ifanc addawol o Gaernarfon.

Mae nw'n rhestru bandiau fel y Red Hot Chili Peppers a Blink 182 fel rhai o'u prif ddylanwadau, ac mae nhw'n dilyn pedigri gwych Ysgol Syr Hugh Owen o greu bandiau fel Eitha Tal Ffranco a magu cerddorion fel y brodyr Osian a Meilir Gwynedd o'r Sibrydion (gynt o'r Beganifs a'r Big Leaves).

Mae nhw eisioes wedi blasu peth llwyddiant yn eu gyrfa ifanc fel rocars, gan ennill cystadleuaeth Brwydr y Bandiau yn y Galeri - ac mae digon o hiwmor y Cofi yn eu geiriau, ac alawon bachog sydd yn gwneud eu caneuon yn rai cofiadwy.

Ewch draw i weld myspace Y Saethau - demos eithaf amrwd sydd yno ar hyn o bryd, ond mae'n dangos eu potensial i gael cryn argraff ar y sîn gerddoriaeth yng Nghymru os wnawn nhw ddal ati.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?