Cwpan Ewrop = Cwpan Lloegr
A yw llwyddiant Lerpwl, Man Utd, Arsenal a Chelsea yng Nghynghrair y Pencampwyr yr wythnos yma yn profi fod safon Uwchgynghrair Lloegr yn uwch nag unrhyw gynghrair arall yn y byd erbyn hyn?
Does 'na'r un o glybiau'r Eidal ar ôl yn y gystadleuaeth tra bod cynrychiolaeth Sbaen lawr i ddau glwb wedi i gewri Madrid - Atletico o Real - golli yn ystod yr wythnos.
Bayern Munich - chwalodd Sporting Lisbon 12-1 dros ddau gymal - a Barcelona yw'r unig ddau glwb sy'n weddill mae rhywun yn teimlo sydd â'r gallu i herio clybiau Lloegr.
Bydd yr enwau cael eu tynnu allan o'r het ar gyfer rownd yr wyth olaf ddydd Gwener nesaf gyda'r posibilrwydd y gall clybiau Lloegr wynebu ei gilydd.
Mae tri o glybiau Lloegr wedi cyrraedd y rownd gyn derfynol yn ystod y ddwy flynedd ddiwethaf gyda chynrychiolaeth ymhob un o'r pedair ffeinal ddiwethaf.
Tydi hi yn fawr o syndod bod cewri Lloegr yn gwneud gystal yn y gystadleuaeth o gofio cyfoeth yr Uwchgynghrair.
Trin a thrafod y byd pêl-droed yn ffordd unigryw criw 
