Defnyddio iaith - berfau ac arddodiaidDefnyddio arddodiaid wrth ysgrifennu

Pwrpas arddodiaid yw dangos y berthynas rhwng gair ac enw/rhagenw.

Dyma'r arddodiaid mwyaf cyffredin:

am, ar, at, gan, dros, drwy, wrth, dan, heb, hyd, i, o.

Edrycha ar sut mae arddodiaid yn cael eu defnyddio yn y brawddegau isod.

• Es i i'r dre ar fws wyth o'r gloch.
• Ymddiheuriodd am beidio â dweud y gwir wrth ei gyfaill
• Ei breuddwyd hi yw i chwarae dros Gymru.

Noda fod treiglad meddal yn dilyn yr arddodiaid uchod hefyd.

Os yw'r arddodiaid yn rhedadwy gallant roi gwybodaeth am y person neu'r peth maen nhw'n cyfeirio atyn nhw, ee yr arddodiad 'amdanaf fi' – gwyddwn ei fod yn cyfeirio at y person cyntaf sef 'fi'. Mae'n bwysig cofio defnyddio'r ffurfiau cywir ar gyfer arddodiaid rhedadwy.

Pan mae rhagenw megis 'fi', 'ti', 'ni' ayyb yn dilyn arddodiad mae angen rhedeg yr arddodiad hwnnw.

Ymarfer