Effaith gymdeithasol ac amgylcheddolFideo-gynadledda

Mae fideo-gynadledda yn golygu defnyddio cyfrifiaduron i ddarparu cyswllt fideo rhwng dau neu fwy o bobl. Yn lle siarad gyda phobl dros y ffôn, mae’n bosibl eu gweld nhw hefyd.

Cyfarpar

Mae angen y canlynol er mwyn cymryd rhan mewn galwad fideo-gynadledda:

• cyfrifiadur
• gwe-gamera
• microffon (mae’r rhan fwyaf o we-gamerâu yn cynnwys microffon)
• seinyddion
• mynediad i ryngrwydband eang
• meddalwedd fideo-gynadledda

Mae’n bosibl prynu peiriant fideo-gynadledda arbennig ar gyfer y diben hwn.

Manteision fideo-gynadledda

• Mae’n bosibl cynnal cyfarfodydd heb adael y swyddfa.
• Mae’n bosibl lleihau costau teithio a’r amser y mae’n ei gymryd i deithio.
• Mae’n bosibl galw cyfarfodydd ar unwaith ar gyfer pobl ym mhob cwr o’r byd heb lawer o rybudd.
• Gall cynrychiolwyr gymryd rhan mewn cyfarfodydd hyd yn oed os nad ydynt yn gallu bod yno’n bersonol.

Anfanteision fideo-gynadledda

• Efallai nad yw mor gynhyrchiol â thrafodaeth o gwmpas y bwrdd.
• Efallai y bydd angen i ddogfennau cyfrinachol gael eu gweld a’u llofnodi’n bersonol.
• Bydd adegau bob amser pan mae angen i bobl gyfarfod wyneb yn wyneb.