Mesuriadau bras - Canolradd ac UwchTalgrynnu i leodd degol

Pan fyddwn yn talgrynnu gan ddefnyddiolleoedd degol (lld), fel arfer rhoddir lefel y cywirdeb sydd ei hangen. Er hyn, mewn rhai cyfrifiadau penodol, gall lefel y cywirdeb fod yn fwy amlwg. Er enghraifft, dylai unrhyw gyfrifiadau sy’n ymwneud ag arian gael eu rhoi i ddau le degol er mwyn cynrychioli’r ceiniogau.

Er mwyn talgrynnu i le degol:

1. edrycha ar y digid cyntaf ar ôl y pwynt degol os wyt ti’n talgrynnu i un lle degol, neu’r ail ddigid ar gyfer dau le degol
2. llunia linell fertigol ar y dde i’r digid gwerth lle sydd ei angen
3. edrycha ar y digid nesaf
4. os yw’n 5 neu fwy, gwna’r digid blaenorol un yn fwy
5. os yw’n 4 neu lai, cadwa’r digid blaenorol yr un fath
6. gelli gael gwared ag unrhyw rifau sydd i’r dde o’r llinell

Enghreifftiau

Talgrynna 248.561 i un a dau le degol.

• 248.5|61 i un lle degol yw 248.6
• 248.56|1 i ddau le degol yw 248.56

Sylwa y dylai dy ateb gael yr un nifer o lefydd degol â’r hyn a oedd yn angenrheidiol ar gyfer y brasamcan.

Talgrynna 0.08513 i un a dau le degol.

• 0.0|8513 i un lle degol yw 0.1
• 0.08|513 i ddau le degol yw 0.09