Ag obrachadh a-mach prìs aonta creideis
Glè thric, nuair a bhios aonta creideis agad, bidh thu a' pàigheadh àirleas an toiseach agus an còrr ann an sùimean mìosail. Feumaidh tu an t-àirleas agus na sùimean mìosail a chur-ris airson a' phrìs gu lèir airson an aonta creideis obrachadh a-mach.
Eisimpleir
Tha Tbh ùr a' cosg \(\pounds690\) a' pàigheadh le airgead. Gheibh thu i air aonta creideis le bhith a' pàigheadh àirleas de \(15\%\) agus 12 sùim gach mìos de \(\pounds55.85\).
Obraich a-mach a' phrìs gu lèir leis an aonta creideis, agus an t-sùim a bharrachd a phàigheadh tu (a bharrachd air a' phrìs le airgead) a' cleachdadh aonta creideis.
An toiseach obraich a-mach an t-àirleas:
\(\text{Àirleas} = 15\%\,de\,\pounds690\)
\(= \frac{15}{100}\) de \(\pounds690\)
\(= 15 \times 6.90\)
\(= \pounds103.50\)
Feumaidh sinn a-nis na sùimean mìosail gu lèir obrachadh a-mach:
Sùimean mìosail gu lèir \(= 55.85 \times 12\)
\(= \pounds670.20\)
Thèid againn a-nis air a' chosgais gu lèir aig an aonta creideis a lorg:
Cosgais aonta creideis = àirleas + sùimean mìosail gu lèir
\(= 103.50 + 670.20\)
\(= \pounds773.70\)
Mu dheireadh, obraichidh sinn a-mach an diofar eadar prìs an aonta creideis agus a' phrìs airgid:
Air a phàigheadh a bharrachd = cosgais aonta creideis - prìs airgid
\(= 773.70 - 690\)
\(= \pounds83.70\)
Feuch a-nis a' cheist seo.
Question
Tha cluicheadair DVD a' cosg \(\pounds240\) ann an airgead.
Gheibh thu e le aonta creideis ma phàigheas tu àirleas de \(20\%\) agus 12 sùim mìosail de \(\pounds18.50\).
Dè bhios agad ri phàigheadh a bharrachd le aonta creideis?
An toiseach obraichidh sinn a-mach an t-àirleas:
\(\text{Àirleas} = 20\%\,de\,\pounds240\)
\(= 20 \times 2.40\)
\(= \pounds48.00\)
Feumaidh sinn a-nis na sùimean mìosail gu lèir obrachadh a-mach:
Sùimean mìosail gu lèir \(= 18.50 \times 12\)
\(= \pounds222.00\)
Thèid againn a-nis air a' chosgais gu lèir aig an aonta creideis a lorg:
Cosgais aonta creideis = àirleas + sùimean mìosail gu lèir
\(= 48.00 + 222.00\)
\(= \pounds270.00\)
Mu dheireadh, obraichidh sinn a-mach an diofar eadar prìs an aonta creideis agus a' phrìs airgid:
Air a phàigheadh a bharrachd = cosgais aonta creideis - prìs airgid
\(= 270.00 - 240.00\)
\(= \pounds30.00\)
