An loidhne as freagarraiche
'S àbhaist gun tèid an loidhne as freagarraiche a tharraing air diagram sgapte. Tha i air a tarraing airson 's gum bi na puingean air an sgaoileadh gu cothromach air gach taobh dhen loidhne.
Tha iomadh dòigh ann air seo a tharraing gu 'mionaideach,' ach cha bhi dùil ach gun tarraing thu loidhne 'leis an t-sùil'.
Nuair a bhios tu a' tarraing na loidhne as freagarraiche, cleachd rùilear trìd-shoilleir airson gum faic thu mar a tha an loidhne a' fiotadh eadar gach puing mus tarraing thu i.
Eisimpleir
Tha àirde agus cuideam fichead neach ann an clas air an clàradh. Tha na toraidhean san diagram sgapte gu h-ìosal.
Tha Ceitidh 148 cm a dh'àirde. Tarraing an loidhne as freagarraiche agus cleachd i airson a cuideam a thuairmeas.
Freagairt
Tha sinn a' tòiseachadh le bhith a' tarraing na loidhne as freagarraiche.
Tha Ceitidh 148 cm a dh'àirde agus, mar sin, tha sinn a' tarraing loidhne dhìreach suas bho 148 cm air an 'S e axis tè dhe na loidhnichean a bhios sinn a' cleachdadh gus puing a shuidheachadh ann an siostam cho-chomharran. Loidhne le caisead aig neoni. gus an coinnich i an loidhne as freagarraiche agus an uair sin a-null gus an coinnich i an axis Aig ceàrn ceart ris an talamh no ris a' chòmhnard. axis.
Tha mu 52 cg a chuideam ann an Ceitidh.
Seach gu bheil thu a' tarraing na loidhne as freagarraiche 'leis an t-sùil', 's iongantach gum bi do fhreagairt an aon rud ri freagairt do charaid.
Tha dòigh eile ann air tuairmse fhaotainn agus 's e sin co-aontar na loidhne as freagarraiche a chleachdadh.
Feuch a-nis na ceistean gu h-ìosal.
Question
'S e co-aontar na loidhne as freagarraiche \(c = 1.5\text{à} - 170\)
Cleachd an co-aontar seo gus cuideam Louise, a tha 156 cm a dh'àirde, a thuairmeas.
Bidh sinn ag ionadachadh \(\text{à} = 156\) dhan cho-aontar.
\(c = 1.5 \times 156 - 170\)
\(c = 234 - 170\)
\(c = 64\)
Mar sin tha mu 64cg a chuideam ann an Louise.
Question
Cleachd co-aontar na loidhne as freagarraiche gur tuairmse a thoirt air sgòr Jill ann an deuchainn Saidheans ma fhuair i 14 ann an deuchainn Matamataig.
'S e \(y = mx + c\) an co-aontar coitcheann airson loidhne dhìreach.
Gus co-aontar loidhne dhìrich obrachadh a-mach, feumaidh fios a bhith againn air a' Air graf, 's e an caisead claonadh na loidhne. Mar as motha an caisead, 's ann as motha a tha reat an atharrachaidh. agus air an An luach aig a' cho-chomharra-y nuair a bhios graf a' dol tarsainn a' y-axis..
Air a' ghraf-sgapte gu h-àrd chì sinn gur e 10 an trasnadh-y.
Airson an caisead obrachadh a-mach, feumaidh sinn 2 phuing a thaghadh air an loidhne as freagarraiche:
(0, 10) agus (8, 14)
\(m = \frac{{{y_2} - {y_1}}}{{{x_2} - {x_1}}}\)
\(= \frac{{14 - 10}}{{8 - 0}}\)
\(= \frac{4}{8} = \frac{1}{2}\)
Mar sin 's e co-aontar na loidhne as freagarraiche:
\(y = \frac{1}{2}x + 10\) no \(s = \frac{1}{2}m + 10\) far a bheil s = deuchainn saidheans agus m = deuchainn matamataig.
Mar sin, nuair a tha m = 14:
\(s = \frac{1}{2} \times 14 + 10\)
\(s = 7 + 10\)
\(s = 17\)
Mar sin, 's e an tuairmse gun d' fhuair Jill 17 san Deuchainn Shaidheans.
