A' coimeas sheataichean-dàta
An raon eadar-chairtealach
Tha fios againn ann an seata àireamhan ann an òrdugh gur e am meadhan, \({C_2}\), an àireamh sa mheadhan a tha a' dèanamh dà leth dhen dàta.
San aon dòigh, tha an cairteal ìosal \({C_2}\) a' roinn an leth as ìsle dhen dàta na dhà leth, agus tha an cairteal àrd \({C_3}\) cuideachd a' roinn an leth as àirde na dhà leth.
'S e an 'S e an raon eadar-chairtealach an diofar eadar an cairteal àrd agus an cairteal ìosal. an diofar eadar an cairteal àrd agus an cairteal ìosal.
Airson an raon eadar-chairtealach (REC) obrachadh a-mach:
\(REC = {C_3} - {C_1}\)
Eisimpleir
Lorg am meadhan, an cairteal ìosal agus an cairteal àrd airson an dàta a leanas:
\(11,\,4,\,6,\,8,\,3,\,10,\,8,\,10,\,4,\,12\,agus\,31\)
Airson am meadhan a lorg, feumaidh sinn na h-àireamhan a chur ann an òrdugh an toiseach.
\(3,\,4,\,4,\,6,\,8,\,8,\,10,\,10,\,11,\,12,\,31\)
\(\text{Meadhan}({C_2}) = 8\)
\(\text{Cairteal}\, \text{Ìosal} ({C_1}) = 4\)
\(\text{Cairteal}\, \text{Àrd}({C_3}) = 11\)
Mar sin tha an REC = \({C_3} - {C_1} = 11 - 4 = 7\)
Seall air an t-seata-dàta seo:
\(1,\,5,\,7,\,8,\,9,\,12,\,13,\,15,\,17,\,18,\,35\)
'S e an raon eadar-chairtealach \(17 - 7 = 10\).
(Uaireannan feumaidh sinn an leth-raon eadar-chairtealach a lorg. Sin leth dhen raon eadar-chairtealach agus an seo 's e 5 a bhiodh ann)
Feuch a-nis na ceistean gu h-ìosal.
Question
Lorg am meadhan agus an raon eadar-chairtealach airson an dàta a leanas:
\(13,\,18,\,15,\,11,\,6,\,9,\,23,\,8,\,17,\,21,\,6\)
Le bhith a' cur nan àireamhan ann an òrdugh tha iad mar seo:
\(6,\,6,\,8,\,9,\,11,\,13,\,15,\,17,\,18,\,21,\,23\)
Meadhan = 13
C1 = 8
C3 = 18
Raon eadar-chairtealach = 18 – 8 = 10.
Question
Chaidh sgrùdadh a dhèanamh airson faighinn a-mach cia mheud peata a bha aig gach neach ann an clas.
Tha an toradh anns a' chlàr:
| Àireamh pheataichean | Tricead |
| 0 | 3 |
| 1 | 5 |
| 2 | 2 |
| 3 | 7 |
| 4 | 10 |
| 5 | 3 |
| 6 | 1 |
| Àireamh pheataichean | 0 |
|---|---|
| Tricead | 3 |
| Àireamh pheataichean | 1 |
|---|---|
| Tricead | 5 |
| Àireamh pheataichean | 2 |
|---|---|
| Tricead | 2 |
| Àireamh pheataichean | 3 |
|---|---|
| Tricead | 7 |
| Àireamh pheataichean | 4 |
|---|---|
| Tricead | 10 |
| Àireamh pheataichean | 5 |
|---|---|
| Tricead | 3 |
| Àireamh pheataichean | 6 |
|---|---|
| Tricead | 1 |
Lorg an raon eadar-chairtealach.
Tha 31 neach ann an clas.
'S e an 16mh luach am meadhan.
Le bhith a' cleachdadh tricead tionalach, tha seo ann an loidhne nan 3 peataichean. (3+5+2+7 = 17).
Am Meadhan =3.
'S e an 8mh luach an cairteal ìosal.
Le bhith a' cleachdadh tricead tionalach, tha seo ann an loidhne 1 pheata (3+5+2=8).
Cairteal Ìosal = 1.
'S e an 24mh luach an cairteal àrd.
Le bhith a' cleachdadh tricead tionalach, tha seo ann an loidhne nan 4 peataichean (3+5+2+7+10= 27).
Cairteal Àrd = 4.
Mar sin, 's e 4 - 1 = 3 an raon eadar-chairtealach.
Question
Ann an clas eile, b' e 9 an raon eadar-chairtealach. Dè tha seo ag innse dhut mu na toraidhean aig a' chlas seo?
Bha barrachd atharrachaidh san àireamh pheataichean a bha aig clann sa chlas seo.
