Hip-hopCerddoriaeth hip-hop

Mae cerddoriaeth hip-hop yn canolbwyntio ar rythm yn hytrach nag ar alaw a harmoni. Ei nodweddion yw:

• rapio
• defnyddio samplau
• defnyddio bîts wedi’u rhaglennu
• DJ-io

Mae rapio yn golygu adrodd geiriau mewn ffordd rythmig, sy’n odli, gan hanner siarad. Yn aml, bydd aelod arall o’r grŵp yn ymuno â’r prif lais er mwyn:

• dyblu gair olaf rhai llinellau
• ychwanegu brawddegau sy’n ateb
• ychwanegu geiriau ad lib

Dyfais yw samplwr sy’n gallu cymryd unrhyw sain sy’n cael ei roi i mewn iddo, ei brosesu, a’i chwarae yn ôl. Darn o sain wedi’i recordio’n ddigidol yw sampl. Gall hwn fod yn ríff gitâr fas, yn gytgan cân, yn sain gwydr yn torri, neu’n unrhyw beth dan haul.