Reading with confidence – WJECResponding to an interview

Read the following interview with Kizzy Crawford.

Croeso i’r stiwdio, Kizzy Crawford. Ble cawsoch chi eich geni a’ch magu?

Ces i fy ngeni yn Rhydychen ond ces i fy magu yn Aberaeron, tref fach brydferth ger y môr. Nawr, rydw i’n byw ym Merthyr Tudful.

Oes brawd neu chwaer gyda chi?

Oes, mae un brawd gyda fi o’r enw Rhydian ac mae tair chwaer gyda fi – Neli, Eady a Romi.

I ba ysgol uwchradd aethoch chi?

Dechreuais i yn Ysgol Gyfun Aberaeron wedyn symudais i i Ysgol Tre-gib yn Llandeilo ac yna gorffennais i yn Ysgol Rhydywaun, Aberdâr. Fy hoff bynciau yn yr ysgol oedd Celf a Cherddoriaeth.

Beth ydych chi’n hoffi wneud yn eich amser hamdden?

Rydw i’n mwynhau ysgrifennu cerddoriaeth a chanu’r gitâr achos mae’n ffordd grêt o ymlacio. Hefyd, rydw i wrth fy modd yn cerdded a rhedeg yn y wlad i gadw’n heini ac i chwilio amysbrydoliaeth.

A nawr, rydych chi’n perfformio.

Ydw, rydw i’n ennill arian trwy wneud gigs o gwmpas y wlad. Mae’n gyffrous iawn ac mae’n llawer o hwyl.

Ble ydych chi wedi perfformio?

Rydw i wedi perfformio yn Glastonbury ac mewn gwyliau cerddoriaeth fel Green Man ac ym Maes B yn yr Eisteddfod Genedlaethol. Canais i yn Stadiwm y Mileniwm yn Ebrill 2014 cyn gêm rygbi Cymru ym Mhencampwriaeth y Chwe Gwlad.

Beth am y dyfodolKizzy?

Hoffwn i deithio o gwmpas y byd yn canu caneuon. Hoffwn i ganu caneuon sy’n rhoi neges. Hefyd, rydw i’n gobeithiocwrdd â llawer o gerddorion er mwyn gweithio gyda nhw a chreu cerddoriaeth newydd gyffrous.