Cwmpas a milltiroedd y galwyn
Mesur arall pwysig yw effeithlonrwydd tanwydd, sef, yn y cyd-destun hwn, pa mor bell y gall cerbyd ei deithio ar swm penodol o danwydd.
Mae’n aml yn cael ei fesur mewn milltiroedd y galwyn, sy'n cael ei dalfyrru i MYG fel arfer, er bod milltir/galwyn hefyd yn cael ei ddefnyddio’n aml.
Dyma dair ffurf ar yr hafaliad:
\(\text{effeithlonrwydd tanwydd}=\frac{\text{pellter a deithiwyd}}{\text{tanwydd a ddefnyddiwyd}}\)
\(\text{tanwydd a ddefnyddiwyd}=\frac{\text{pellter a deithiwyd}}{\text{effeithlonrwydd tanwydd}}\)
\(\text{pellter a deithiwyd}=\text{effeithlonrwydd tanwydd}\times\text{tanwydd a ddefnyddiwyd}\)
Weithiau gellir mynegi’r hafaliad effeithlonrwydd tanwydd fel:
\(\text{effeithlonrwydd~tanwydd}=\frac{\text{cwmpas}}{\text{cynhwysedd~tanwydd}}\)
A gellir ei ad-drefnu i:
\(\text{cynhwysedd~tanwydd}=\frac{\text{cwmpas}}{\text{effeithlonrwydd~tanwydd}}\)
Neu i gyfrifo’r cwmpas:
\(\text{cwmpas}=\text{cynhwysedd~tanwydd}\times\text{effeithlonrwydd~tanwydd}\)
Question
Mae Michelle wedi dod o hyd i’r wybodaeth ganlynol am gar hybrid yr hoffai hi ei brynu ond ni all weld faint o betrol mae’r tanc tanwydd yn ei ddal. Cyfrifa gynhwysedd mwyaf posib y tanc.
\(\text{effeithlonrwydd~tanwydd}=\frac{\text{pellter~a~deithiwyd}}{\text{tanwydd~a~ddefnyddiwyd}}\)
Trwy ei ad-drefnu, cawn:
\(\text{tanwydd~a~ddefnyddiwyd}=\frac{\text{pellter~a~deithiwyd}}{\text{effeithlonrwydd~tanwydd}}\)
Gan mai 475 yw’r cwmpas (uchafswm y pellter a deithiwyd) a 50 MYG yw’r effeithlonrwydd tanwydd:
\(\text{tanwydd~a~ddefnyddiwyd}=\frac{\text{475~milltir}}{\text{50~MYG}}\)
\(\text{tanwydd~a~ddefnyddiwyd}=\text{9.5~galwyn}\)
