Putin harada idi? - İnternetin yaradıcı fərziyyələri

Bazar ertəsi gününədək Rusiya prezidenti Vladimir Putinin az qala iki həftə ictimaiyyətdə görünməməsi bütün dünyanın mətbuatında geniş müzakirə olunub.

İnternet məkanında isə onun "yoxa çıxması", artıq adətə çevrilmiş yaradıcı memelər - yəni, yumoristik şəkillər vasitəsilə şərh olunub.

Təbii ki, bəziləri onun ağacdələn sürən mışovulun belinə minib ictimai nəzərdən qaçmaq istədiyini güman edib.

Rusiya liderinin xəstələndiyini düşünənlər də az olmayıb.

Günlər keçdikcə onun ölümü barədə şaiyələr də interneti bürüməyə başladı.

Azərbaycanda bir çox İnternet istifadəçisi cənab Putinin İslamı qəbul etdiyini istisna etməyib.

Amma bəzilərinin fikrincə həddən artıq məşğul olan lider sadəcə çemodanlarını yığıb günəşin altında uzanmaq qərarına gəlib.

Səbəbindən asılı olmayaraq, cənab Putin bazar ertəsi günü yenidən peyda olub və Sankt-Peterburqda qırğız həmkarı Almazbek Atambayevlə görüşüb.