Pakistan: məktəbə hücumda onlarla adam öldürülüb

Hərbiyyə bildirir ki, məktəbdə olan 500 şagirdin əksəriyyəti evakuasiya edilib.

Şəklin mənbəyi, Reuters

Şəklin alt yazısı, Hərbiyyə bildirir ki, məktəbdə olan 500 şagirdin əksəriyyəti evakuasiya edilib.

Pişəvar şəhərində hərbçilərin idarə etdiyi məktəbə Taliban silahlılarının basqını nəticəsində ən azı 126 nəfər öldürülüb, onların əksəriyyəti uşaqdır, yerli rəsmilər bildirir.

Hakimiyyət nümayəndələri məktəbə təhlükəsizlik əməkdaşları forması geyinmiş ən azı 6 silahlının daxil olduğunu deyirlər.

Hadisə yerindən atəş və partlayış səsləri eşidilir. Ordu ərazini mühasirəyə alıb.

İnsident ərazisi ordu tərəfindən mühasirəyə alınıb.

Şəklin mənbəyi, Reuters

Şəklin alt yazısı, İnsident ərazisi ordu tərəfindən mühasirəyə alınıb.

Hərbiyyə bildirir ki, məktəbdə olan 500 şagirdin əksəriyyəti evakuasiya edilib. Neçə adamın girov götürüldüyü məlum deyil.

Əsgərlər şagirdlərin evakuasiyasına kömək ediblər.

Şəklin mənbəyi, Reuters

Şəklin alt yazısı, Əsgərlər şagirdlərin evakuasiyasına kömək ediblər.

Taliban sözçüsü deyib ki, hücum ona qarşı həyata keçirilən ordu əməliyyatlarına cavabdır.

Şimali Vəziristan və qonşuluqdakı Heybər bölgəsində ordunun son əməliyyatı nəticəsində yüzlərlə Taliban üzvünün öldürüldüyü bildirilir.

Yerli xəstəxanalar xəsarət alanlara tibbi yardım göstərib.

Şəklin mənbəyi, AP

Şəklin alt yazısı, Yerli xəstəxanalar xəsarət alanlara tibbi yardım göstərib.

Məktəb işçilərindən biri 6-7 döyüşçünü gördüyünü deyib.

"Onlar atəş açmağa başlayan kimi biz sinif otaqlarına qaçdıq, - Müdassir Avan deyib. - Onlar sinif otaqlarının hamısına girir və uşaqları öldürürdülər".

Skip Ən çox oxunan and continue reading
Ən çox oxunan

End of Ən çox oxunan

Bundan əvvəl 20-dən artıq məktəbli və müəllimin Pişəvərdəki hospitala çatdırıldığı bildirilib.