Madonnanın Eurovision 2019-da çıxışı birmənalı qarşılanmayıb
Şəklin mənbəyi, Getty Images
Madonna-nın Eurovision 2019 mahnı müsabiqəsinın qonağı qismində Israildəki çıxışına tamaşaçıların reaksiyası birmənalı olmayıb.
Madonna qara kapüşonlu qiyafədə və sol gözünə taxılmış qara sarğı ilə səhnəyə 1989-cu ilin Like A Prayer (Duaya Bənzər) və ABŞ repçisi Quavo ilə birgə ifa etdiyi Future (Gələcək) adlı yeni mahnısı ilə çıxıb.
Eurovision 2019 müsabiqəsi ərəfəsində fəallar Madonnanı Təl-Əvivdəki çıxışından imtina və İsraili boykot etməyə çağırmışdılar.
Madonna bu çağırışlara baxmayaraq Təl-Əvivdə çıxış edib, lakin tamaşanın gedişində onun rəqqaslar qrupundan iki nəfər qısa bir zaman ərzində əl-ələ tutaraq paltarlarının kürək hissəsində təsvir olunmuş İsrail və Fələstin bayraqlarını nümayiş etdiriblər.
Bununla bağlı, Eurovision 2019 təşkilatçıları bildiriblər ki, Madonnanın çıxışı zamanı İsrail və Fələstin bayraqlarının nümayiş etdirilməsi əvvəlcədən razılaşdırılmamış bir hərəkətdir.
"Bu element məşq zamanı olmayıb və razılaşdırılmayıb. Eurovision mahnı müsabiqəsi qeyri-siyasi tədbirdir və Madonnaya bu məlumdur", - Eurovision 2019 müsabiqəsinin təşkilatçılarının bəyanatında deyilib.
Madonnanın Təl-Əvivdə sərgilədiyi tamaşanı istifadəçilərin bir qismi tənqid edib, bəziləri isə alqışlayıb.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu X
Twitter istifadəçilərindən biri yazıb ki, Madonnanın addımını "kimsə xoşlaya, kimsə də pisləyə bilər, lakin o, istədiyini etdi".
Madonnanın nəğmə ifaçılığına gəldikdə isə, şərhçilər onun bir müğənni kimi çıxışının zəif olduğunu qeyd ediblər. Həmin şərhçilər ona, notları səhv salmamaq üçün, musiqi robotunun köməyindən istifadə etməyi məsləhət görüblər.
Lakin Madonnanın Tel-Əvivdə çıxşını bəyənənlər də olub: onlar ulduz müğənninin hazırladığı şounun möhtəşəmliyini qeyd ediblər.
