Oskar mükafatı 2018: Qaliblər arasında kimlər var?

The Silent Child

Şəklin mənbəyi, Reuters

Şəklin alt yazısı, "Səssiz uşaq" (The Silent Child) filmi "ən yaxşı qısametrajlı film" nominasiyasında qalib gəlib

Baş rolunda 6 yaşında eşitmə məhdudiyyətli ingilis qızın olduğu film Oskar mükafatı qazanıb.

Ünsiyyət qurmaqda çətinlik çəkən bir qızın hekayəsindən bəhs edən "Səssiz uşaq" (The Silent Child) filmi "ən yaxşı qısametrajlı filmi" nominasiyasında qalib gəlib.

Filmdə əsas obrazları 6 yaşlı Maisie Sly və Rachel Shenton ifa edib.

Rachel Shenton, həmçinin filmin sseanrisini də yazıb. O, mükafatı qəbul edərkən işarə dilindən istifadə edib.

Ən yaxşı aktrisa seçilən Frances McDormand və ən yaxşı rejissor elan edilən Guillermo del Toro

Şəklin mənbəyi, REUTERS/GETTY

Şəklin alt yazısı, Ən yaxşı aktrisa seçilən Frances McDormand və ən yaxşı rejissor elan edilən Guillermo del Toro

Ən yaxşılar

Amerikanın "Oskar" Kinematoqrafiya Sənəti Akademiyasının "ən yaxşı filmi" isə "Suyun şəkli" (The Shape of Water) seçilib.

Eşitmə və danışma məhdudiyyətli qadınla amfibiya adamın məhəbbəti barəsində olan filmin rejissoru Guillermo del Toro isə "ən yaxşı rejissor" nominasiyasının qalibi olub.

"Ən qaranlıq saat" (Darkest Hour) filmində Winston Churchill obrazını ifa edən Gary Oldman

Şəklin mənbəyi, Reuters

Şəklin alt yazısı, "Ən qaranlıq saat" (Darkest Hour) filmində Winston Churchill obrazını ifa edən Gary Oldman

Ən yaxşı aktyor "Ən qaranlıq saat" (Darkest Hour) filmində Winston Churchill obrazını ifa edən Gary Oldman seçilib.

Ən yaxşı aktrisa mükafatını "Ebbinq, Missuri kənarında üç reklam lövhəsi" (Three Billboards Outside Ebbing, Missouri) filmindəki obrazına görə Frances McDormand qazanıb.

Skip Ən çox oxunan and continue reading
Ən çox oxunan

End of Ən çox oxunan

Eyni filmdə rol alan aktyor Sam Rockwell ikinci planda ən yaxşı aktyor mükafatını əldə edib.

İkinci planda ən yaxşı aktrisa isə "Mən, Tonya" (İ, Tonya) filminə görə Allisson Janney seçilib.

İrqçilikdən bəhs edən qorxu filmi "Rədd ol"

Şəklin mənbəyi, Reuters

Şəklin alt yazısı, İrqçilikdən bəhs edən qorxu filmi "Rədd ol"-un rejissoru və ssenaristi Jordan Peele

Digər qaliblər:

  • Ən yaxşı quruluşçu rəssam işi: "Suyun şəkli"
  • Ən yaxşı orijinal ssenari: irqçilikdən bəhs edən qorxu filmi "Rədd ol" (Get Out)
  • Ən yaxşı uyğunlaşdırılmış ssenari: "Məni adınla çağır" (Call Me By Your Name)
  • Ən yaxşı vizual effektlər və ən yaxşı operator işi: "Blade Runner 2049"
Ən yaxşı xarici film nominasiyasının qalibi seçilən Çili istehsalı film "Fantastik qadın"-ın rejissoru Sebastian Lelio (sağda)

Şəklin mənbəyi, Reuters

Şəklin alt yazısı, Ən yaxşı xarici film nominasiyasının qalibi seçilən Çili istehsalı film "Fantastik qadın"-ın rejissoru Sebastian Lelio (sağda)
  • Ən yaxşı xarici film : "Fantastik qadın", Çili
  • Ən yaxşı animasiya filmi: "Coco"
  • Ən yaxşı səs montajı, ən yaxşı səs, ən yaxşı montaj: Christopher Nolan-ın "Dunkirk" filmi

Ən yaxşı sənədli film nominasiyasının qalibi isə Rusiya idmanında dopinqdən bəhs edən "Icarus" filmi olub.