Bakıda qazilərin aksiyası: "Bizi niyə incidirlər axı"
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu YouTube
Video açılmırsa, YouTube-dən izləyin.
Bakıda mayın 5-də İkinci Qarabağ müharibəsində yaralanmış bir neçə keçmiş hərbçi Əmək və Əhalinin Sosial Müdafiəsi Nazirliyinin nəzdindəki DOST mərkəzinin önündə aksiya keçirib.
Keçmiş hərbçilər hələ də sığorta ödənişlərinin tam ödənilməməsinə etiraz edirlər.
Onlar həm də əlillik dərəcəsini ala bilməmələrindən də narazıdırlar.
Azərsığortadan BBC-yə bildirilib ki, dekabr ayının 28-dən hərbi ilə bağlı ödənişlər dayandırılıb və bu ödənişlərin verilməsi üçün yeni qurum təyin olunması gözlənir.
Əmək və Əhalinin Sosial Müdafiəsi Nazirliyindən BBC-yə deyilib ki, etirazçılardan birinə III dərəcə (5 il) əlillik təyin edilib. Nazirlik bildirib ki, etirazçılardan daha ikisi artıq müayinə olunub və onun əlilliyinin qiymətləndirilməsi ilə bağlı müvafiq qərar veriləcək, digəri isə müayinə olunmasına icazə verməyib.
2020-ci ilin payızında Azərbaycan və Ermənistan arasında başlamış və 44 gün davam etmiş İkinci Qarabağ müharibəsində yaralanmış hərbçilərin sosial müdafiəsi ilə bağlı dövlət və ictimai əsaslı qurumlar fəaliyyət göstərsə də, bəzi keçmiş hərbçilər sosial problemlərin həll olunmaması ilə bağlı şikayətlər edirlər.
Azərbaycan son müharibədə həlak olanların sayını açıqlasa da, nə qədər hərbçinin yaralanması ilə bağlı konkret rəqəm açıqlamayıb.
Videonu BBC News Azərbaycanca üçün Əminə Məmmədova çəkib.
Həmçinin oxuyun:
