İşğaldan sonra sovxozun mal-qarasına 10 il baxmış direktor: "Dövlətin malına mən nə edə bilərəm ki?"
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu YouTube
Video açılmırsa, YouTube-dan izləyin.
Ağdamın kəndlərinin birində sovxoz direktoru işləmiş Kərrar Abdullayev işğal zamanı Ağdamdan ailəsi ilə birgə çıxmayıb.
O, əvvəlcə sovxozun mal-qarasını təhlükəsiz yerə aparmağa çalışıb.
79 yaşlı Kərrar Abdullayev 10 ilə yaxın sovxozun 250 baş malına və 700-800 qoyununa baxıb.
İllər boyu Kərrar Abullayev və bir neçə işçi könüllü olaraq artıq işğal altında qalan sovxozun mal-qarasının qayğısına qalır. Axırda onun geriyə dönməyə ümidi itir, həm də mal-qaraya baxmağa gücü çatmır və heyvanları yerli hökumətə təhvil verir.
Kərrar Abdullayev hazırda Ağdamın işğal altında olmamış Evoğlu kəndində ailəsi ilə birgə yaşayır.
Bu kənd illərlə Ağdamın Ermənistanın işğalı altında olmuş əraziləri ilə təmas xəttində yerləşib.
Ağdam rayonun böyük hissəsi 1993-cü ilin yayında işğal edilib. Bundan 27 il sonra Ağdam İkinci Qarabağ Müharibəsindən sonra, noyabrın 20-də Azərbaycana geri qaytarılıb və bu təmas xətti ləğv edilib.
İndi Kərrar Abdullayevi öz doğma kəndi Şıxbabalıdan təxminən 25 kilometr ayrır. Ərazilərin minalanmış olması təhlükəsinə görə yerli sakinlərin hələ də dədə-baba torpaqlarına nə zaman qayıdacağı məlum deyil.
