Şirvanda vəzifəli şəxs "rüşvət alarkən" saxlanılıb, Azərbaycan Türkiyə istehsalı olan döyüş dronları alacaq, Rusiya 9 may paradını bü gün keçirir

Azərbaycan hökuməti bazar ertəsi günü bəyan edib ki, ölkə parlamenti razılıq versə, Azərbaycan Türkiyə istehsalı olan pilotsuz döyüş dronları alacaq.

Bu barədə Azərbaycanın müdafiə naziri Zakir Həsənov yerli televiziyalardan birinə müsahibəsində deyib.

O, Azərbaycan hökumətinin pilotsuz uçuş aparatlarını Suriya və Liviyadakı uğurlarından sonra almaq istədiyini bildirib.

"Bu istiqamətdə göstərdiyimiz səylər artıq nəticə verir," - cənab Həsənov bildirib.

Zakir Həsənov Azərbaycan parlamentinin satınalmanı həyata keçirmək üçün bir razılaşmanı artıq təsdiqlədiyini və Türkiyənin də ölkələrinin hərbiyyəsinə maddi dəstək göstərdiyini vurğulayıb.

Türkiyənin pilotsuz hava platformasının yaradıcısı Baykarın istehsal etdiyi Bayraktar TB2 pilotsuz dronları 2015-ci ildən bəri istismar olunur, Anadolu agentliyi xəbər verir.

Şirvanda vəzifəli şəxs "rüşvət alarkən" saxlanılıb

Şirvan şəhər İcra Hakimiyyətinin Mənzil Təsərrüfatı İdarəsinin müdiri Eyyub Gülməmmədovun "rüşvət alarkən" saxlandığı bildirilir.

Baş Prokurorluqdan BBC News Azərbaycancaya verilən məlumata görə, Eyyub Gülməmmədovun barəsində "Cinayət Məcəlləsinin rüşvət alma maddəsi ilə cinayət işi başlanıb."

Qurum bildirir ki, Eyyub Gülməmmədovun "barəsində Binəqədi rayon məhkəməsinin qərarı ilə 4 ay müddətə həbs qətimkan tədbiri seçilib".

"Eyyub Gülməmmədov xidməti vəzifəsinin icrası ilə əlaqədar İdarənin balansında olan Şirvan şəhəri, Nizami küçəsində yerləşən yataqxananın 35 kv.m sahəsi olan 2 otaqdan ibarət hissəsini vətəndaşın adına sənədləşdirilməsi müqabilində, sonuncudan 3000 manat məbləğində pulu 22 iyun 2020-ci il tarixdə özünə məxsus avtomobildə rüşvət kimi alarkən cinayət başında yaxalanıb," Baş Prokurorluğun məlumatında deyilir.

Baş Prokurorluq bildirib ki, hazırda cinayət işi üzrə qeyd olunan qanunsuz halların tam, hərtərəfli yoxlanılmaqla təqsirli şəxslərin müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.

Azərbaycanda orta məktəblərdə siniflərdə şagird sayı tənzimlənəcək

Azərbaycanın dövlət ümumi təhsil müəssisələrinin ayrı-ayrı siniflərində bundan sonra şagird sayı tənzimlənəcək.

Nazirlər Kabinetinin "Dövlət ümumi təhsil müəssisəsində siniflər üzrə şagird sıxlığı normaları"nın təsdiq edilməsi haqqında qərarında belə göstərilir.

Qurumun qərarına görə ibtidai, ümumi orta və tam orta təhsil səviyyələri üzrə siniflər (təmayül siniflər istisna olmaqla) şagirdlərin sayı 20 nəfərdən az olmamaqla təşkil ediləcək.

"Dövlət ümumi təhsil müəssisəsi üzrə bir sinifdə şagirdlərin ümumi sayı 20 nəfərə çatmadıqda, sinif mövcud şagird sayı ilə təşkil edilir.

İbtidai təhsil səviyyəsinin bir sinfində şagird sayı 10 nəfərdən az olduqda isə, həmin sinif ibtidai təhsil səviyyəsinin şagird sayı 10 nəfərdən az olan digər bir sinfi ilə birləşdirilərək komplekt siniflər yaradılır. Komplekt siniflər şagird sayı 18 nəfərdən çox olmamaqla təşkil edilir," - qərarda deyilir.

Qərarda həmçinin o da qeyd olunur ki, "eyni bir sinifdə şagirdlərin sayı 30 nəfərdən çox olduqda və ya bir sinif otağının ölçüsü tədrisə imkan vermədikdə, həmin sinif üzrə ikinci paralel sinif təşkil ediləcək".

"Tədris ilinin birinci yarısında hər hansı səbəbdən sinifdə şagirdlərin sayı 3 nəfərdən çox azaldıqda və ya artdıqda, sinif bu normalarla müəyyən edilmiş say həddində birləşdirilir və ya paralel sinif təşkil edilir.

Tədris ilinin birinci yarısında sinifdə şagirdlərin sayının azalması tədris planı ilə müəyyən edilmiş müvafiq fənlərin tədrisində sinfin iki qrupa bölünməsinə məhdudiyyət yaratmır.

10-11-ci təmayül siniflər 15 nəfərdən az və 20 nəfərdən çox olmamaqla təşkil edilir.

Eyni təmayül sinfində şagirdlərin sayı 20 nəfərdən çox olduqda paralel siniflər təşkil edilir. Tədris ili ərzində təmayül sinfində şagird sayının azalması bu sinfin həmin və ya növbəti tədris ilində fəaliyyətinin davam etdirilməsinə, həmçinin tədris planı ilə müəyyən edilmiş müvafiq fənlərin tədrisində iki qrupa bölünməsinə məhdudiyyət yaratmır.

Koronavirus ABŞ-a "diz çökdürüb"

Amerika Birləşmiş Ştatlarının (ABŞ) Xəstəliklərə Nəzarət və Qarşısının Alınması Mərkəzlərinin direktoru bir konqres iclasında virusun ABŞ-a "diz çökdürdüyünü" söylədi.

"Hamımız bu virusu aradan qaldırmaq üçün əlimizdən gələni etdik," - Robert Redfild deyib, "Və reallıq budur ki, bu, milləti dizi üstə qoydu," - o əlavə edib.

Redfield həmçinin "kiçik virusun" dəyərinin 7 trilyon dollar ola biləcəyini söyləyib.

Eyni məhkəmə iclasında Ağ Evin böyük müşaviri Anthoni Fauci ABŞ-ın ayrı-ayrı bölgələrində infeksiyanın yayılması ilə bağlı "narahatedici artımın" olduğunu deyib.

Böyük müşavir dövlətlərin yeni xəstələri müəyyənləşdirmək, təcrid etmək və onlarla əlaqə qurmaq üçün "işçi qüvvəsi, sistem və test"ə sahib olmasının çox vacib olduğunu vurğulayıb.

Rusiyada İkinci Dünya Müharibəsinin zəfər paradı "koronavirusun kölgəsində" keçirilir

Rusiya çərşənbə günü ən böyük dövlət bayramı olan Qələbə Gününü 9 Mayda keçirilməsi nəzərdə tutulan hərbi paradla qeyd edəcək.

Prezident Vladimir Putin koronavirus pandemiyası səbəbindən böyük illik bayramı təxirə salmışdı.

Keçmiş SSRİ-nin nasist Almaniyasını məğlub etməsindən 75 il keçir. İkinci Dünya Müharibəsi 20 milyondan çox Sovetlər Birliyi vətəndaşının həyatı bahasına başa gəlib.

Moskvada təcridin tətbiqi tankları və uzaq mənzilli raketləri də ehtiva edən paradı ertələməyə məcbur edib.

İllik parad - bu il saat 10: 00-dan başlayaraq Moskva vaxtı ilə 10:00-da) həmişə Prezident Putin üçün (bir növ Sovetlər dövrünü xatırladan) Rusiyada vətənpərvərlik hisslərini aşılamaq fürsətidir.

O, Sovetlərin Soyuq Müharibə dövründəki rəmzlərini bərpa etdi və 2008-ci ildə paradda ağır silahları yenidən göstərişə çıxardı. Qara-qızıl müharibə vaxtı St George'un lenti xüsusilə dəbdədir.

Nasist Almaniyası 8 may 1945-ci ildə müttəfiqlərə - İngiltərə, ABŞ və SSRİ-yə təslim olub. Ancaq ənənəvi olaraq Rusiya və digər keçmiş Sovet respublikaları hər il 9 Mayda qələbəni qeyd edirlər.

İyunun 24-nə təxirə salınmış parad 1945-ci ildən bəri SSRİ-də hər il qeyd edilən qələbə paradını xatırladacaq.

Dövlət dili normalarını pozanlar cərimə olunacaq

Kiv-də dövlət dili normalarını pozanlar cərimə olunacaq, Bu gün Gürcüstan və Rusiyadan 428 Azərbaycan vətəndaşı ölkəyə gətirilib, Azərbaycanda koronavirusa yoluxma üzrə ən yüksək göstərici Bakının payına düşür, Səudiyyə Ərəbistanı beynəlxalq zəvvarlara Həcc ziyarətini qadağan edib. İspaniyada bitkilər üçün opera konserti verilib - bu və digər xəbərlər BBC News Azərbaycancanın icmalında.

Çərşənbə axşamı günü Kütləvi informasiya vasitələrində və reklam daşıyıcılarında dövlət dili normalarının pozulmasına görə cərimələr müəyyənləşib.

Dəyişiklər Prezident İlham Əliyev tərəfindən bu gün təsdiq edilən "Azərbaycan Respublikasının İnzibati Xətalar Məcəlləsində dəyişiklik edilməsi haqqında" qanunda əksini tapıb.

Qanuna əsasən, "Kütləvi informasiya vasitələrində və reklam daşıyıcılarında dövlət dili normalarının pozulmasına görə fiziki şəxslər yüz manatdan iki yüz manatadək məbləğdə, vəzifəli şəxslər üç yüz manatdan dörd yüz manatadək məbləğdə, hüquqi şəxslər beş yüz manatdan min manatadək məbləğdə cərimə ediləcək."

Gürcüstan və Rusiyadan 428 Azərbaycan vətəndaşı ölkəyə gətirilib

Çərşənbə axşamı günü koronavirus pandemiyası ilə əlaqədar qarşılıqlı razılıq əsasında Gürcüstan və Rusiyada qalmış 428 Azərbaycan vətəndaşı quru yolu ilə ölkəyə gətirilib.

AZƏRTAC yazır ki, Azərbaycana gəlmək istəyən vətəndaşların müraciətləri əsasında Gürcüstandan ölkəmizə 176 nəfər, Rusiyadan isə 252 nəfər gətirilib.

"Sərhədi keçən vətəndaşlar Azərbaycanda tətbiq edilən xüsusi karantin rejiminin tələblərinə uyğun olaraq karantin zonalarında yerləşdirilirlər.", - agentlik bildirir.

Azərbaycanlı zəvvarlar bu il Həcc ziyarətinə getməyəcəklər

Səudiyyə Ərəbistanı beynəlxalq zəvvarlara Həcc ziyarətini qadağan etdiyindən Azərbaycan da ora bu il zəvvar göndərməyəcək.

Krallıq xarici ölkələrdə yaşayan müsəlmanları bu il koronavirusa görə Həcc ziyarətinə buraxmır.

Qafqaz Müsəlmanları İdarəsindən BBC News Azərbaycancaya bildirilib ki, bu il Azərbaycandan Həcc ziyarəti təşkil olunmayacaq.

"Növbəti il Həcc ziyarətinə getmək istəyənlər sənədlərini və ödənişi saxlaya, istəməyənlər isə həm ödədikləri vəsaiti, həm də sənədlərini geri götürə bilərlər," - qurumdan BBC News Azərbaycancaya deyilib.

Azərbaycandan Həcc ziyarətinə getmək üçün builki kvotanın sayı 1500, Həcc ziyarətinin qiyməti isə 4490 ABŞ dolları idi. Səudiyyə Ərəbistanı koronavirusa nəzarət etmək üçün bu il beynəlxalq zəvvarlara Həcc ziyarətini qadağan edib.

Səudiyyə Ərəbistanı hökumətinin qərarına görə, hal-hazırda krallıqda yaşayanlar kiçik qruplarla Həcc ziyarətini edə bilər.

Əks halda, təxminən iki milyon insan bu ayin üçün Məkkə və Mədinəni ziyarət edə bilərdi.

Həccin tamamilə ləğv olunacağına dair qorxular var idi.

Adi vaxtlarda Həcc ziyarəti müsəlmanların dini təqvimində ən əlamətdar məqamlardan biridir.

Ancaq bu il Həcc ziyarətində xarici vətəndaşlardan yalnız artıq Səudiyyə Ərəbistanında yaşayanlar iştirak edə bilər.

Rəsmilər deyir ki, bu, insanların təhlükəsizliyini təmin edəcək sosial məsafənin təşkilinin yeganə yoludur.

Səudiyyə Ərəbistanında 161 mindən çox koronavirusa yoluxma halı aşkarlanıb, 1300-dən çox şəxs ölüb.

Bakı: hansı rayonda daha çox koronavirusa yoluxma var?

Bakının rayonları arasında koronavirusa ən çox yoluxma Binəqədi, Yasamal və Xətai rayonlarının payına düşür. Bu ərazilərdə koronavirusa ən çox yoluxma 12 faizdir.

Koronavirusinfo.az saytının məlumatına görə, ikinci yerdə Sabunçu və Nəsimi rayonları gəlir.

Ən azı koronavirusa yoluxma halı Pirallahıda qeydə alınıb.

TƏBİB-in açıqlamasına görə, COVİD-19-a yoluxanların 52 faizi Bakının payına düşür və bu respublika üzrə ən yüksək göstəricidir.

Bundan başaqa Abşeron rayonu 15.3 faizə ikinci, Gəncə-Qazax bölgəsi isə 10.3 faizlə üçüncü ən çox yoluxmaların olduğu bölgələrdir.

Koronavirusa yoluxanlar arasında ölkə xaricindən gətirilənlər arasında ümumi yoluxma faizi 2 faizə yaxındır.

Ən aşağı yoluxma faizi isə 0.03 faizlə Naxçıvanda qeyd olunub.

Azərbaycanda bu ilin fevralın 28-də ilk koronavirusa yoluxma faktı qeydə alınıb.

Hazırda aşkar edilən yoluxma halları 13 mini ötüb. Hazırda 6 minə yaxın xəstə var, 161 nəfər isə vəfat edib.

ÜST: "Ən böyük təhlükə həmrəyliyin olmamasıdır"

Ümumdünya Səhiyyə Təşkilatının Baş direktoru Tedros Adhanom Ghebreyesus "İndi qarşılaşdığımız ən böyük təhlükə virusun özü yox, qlobal həmrəyliyin və qlobal liderliyin olmamasıdır" deyib.

O, "Biz bu pandemiyaya bölünmüş dünya ilə qalib gələ bilmərik" söyləyib.

Tedros Prezident Donald Trump-ın adını xüsusi olaraq qeyd etməsə də, ABŞ lideri keçən ay ölkəsinin ÜST-lə əlaqələrini kəsəcəyini söyləmişdi.

"Çin Ümumdünya Səhiyyə Təşkilatı üzərində tam nəzarətə sahibdir," - o deyib.

Hazırda ABŞ ÜST-ün ən böyük sponsorudur.

Trump "vizaların dondurulması" ilə xarici işçiləri hədəf alır

ABŞ Prezidenti Donald Trump bəzi "green card" vizalarındakı fasiləni uzadıb və digər xarici işçilər üçün vizaları 2020-ci ilin sonuna qədər dayandırıb.

Bu, yüksək ixtisaslı texnologiya işçilərinə, kənd təsərrüfatına aid olmayan mövsümi köməkçilərə, ev işləri üzrə köməkçilərə və rəhbər idarəçilərə təsir edəcək.

Ağ Ev bu addımın pandemiya səbəbiylə iqtisadi cəhətdən zərər çəkən amerikalılar üçün iş yerləri açacağını söyləyib.

Lakin tənqidçilər Ağ Evin immiqrasiya qanunlarını sərtləşdirmək üçün koronavirus pandemiyasından istifadə etdiyini söyləyirlər.

Bitkilər üçün opera

İspaniyanın Barselona şəhərində məşhur Liceu Operası koronavirus səbəbilə bağlanmasınının ardından öz qapılarını açıb.

Lakin bu dəfə zalda tamaşaçıların əvəzinə, sadəcə bitkilər olub.

Bütün tamaşaçı oturacaqlarına bitkilər yerləşdirilib və musiqiçilər İtalyan bəstəkar Pucci-nin "Chrysanthemum" əsərini ifa edib.

Konserti təşkil edən Eugenio Ampudia "Yaşadığımız bu dövrlə bağlı bitkilərə konkret bir şey deməyimiz lazım idi. Bu ifa bir mərsiyə və başqa həyatlar üçün hiss etdiyimiz kədəri göstərməyimizin bir yoludur" deyib.

Kişilərin qan plazmasında antigenlərin səviyyəsi daha yüksəkdir

Koronavirusa yoluxmuş kişilər Covid-19 virusunun müalicəsi üçün tədqiqatlarda istifadə ediləcək qan plazması donorluğuna çağrılırlar.

Tədqiqatlar kişilərin ciddi xəstələnmə ehtimalının daha çox olduğunu və buna görə qadınlardan daha yüksək antigen istehsal etdiklərini ehtimal edir.

Bu o deməkdir ki, onların qan plazmaları insan həyatını xilas etməkdə daha yararlı ola bilər.

Britaniyanın Milli Səhiyyə Sistemi Qan və Tansplantasiya şöbəsi deyir ki, sınaqlar uğurlu keçərsə, qan plazması xəstəxanada yatan xəstələrin müalicəsi üçün istifadə edilə bilər.