ኢንዶኔዢያውያን ከትዳር በፊት ወሲብ የሚከለክለውን ህግ ተቃወሙ

ትናንት ማምሻውን የኢንዶኔዢያ ፓርላማ አካባቢ ዜጎች ከትዳር በፊት ወሲብ የሚከለክለውን ህግ በመቃወም ሰልፍ አድርገው ከፖሊስ ጋር ተጋጩ።

ፖሊስ ሰልፈኞቹን ለመቆጣጠር አስለቃሽ ጭስ እና የውሃ ፓምፖችን ተጠቅሟል። በተለያዩ የሃገሪቱ ክፍሎችም ረቂቅ ህጉን በመቃወም ዜጎች ቁጣቸውን ሲገልጹ ነበር።

ከዚህ በተጨማሪ ረቂቅ ህጉ የጽንስ ማቋረጥና ፕሬዝዳንቱን መሳደብን ህግወጥ እንደሆነ አስቀምጧል።

• ደም የለበሰው የኢንዶኔዥያ ሰማይ

• ወሲባዊ ትንኮሳ ያደረሰባት አለቃዋን በማጋለጧ የታሠረችው ሴት

ምንም እንኳን ረቂቅ ህጉ እስካሁን ሙሉ በሙሉ ባይጸድቅም ዜጎች ፓርላማው በሙሉ ድምጽ እንዳይቀበለው ስጋታቸውን እየገለጹ ነው።

ለፓርላማው የቀረበው ረቂቅ ህግ የሚከተሉትን ዋና ዋና ሃሳቦች ይዟል፡

ረቂቅ ህጉ ዛሬ ለፓርላማው ቀርቦ ውሳኔ እንደሚያገኝ ሲጠበቅ የነበረ ቢሆንም ፕሬዝዳንት ጆኮ ዊዶዶ ሂደቱ ማካተት ያለበት አንዳንድ ነገሮች አሉ በማለት ወደ አርብ እንዲዘዋወር ማድረጋቸው ታውቋል።

ተቃዋሚዎች ከዚህ ባለፈ ረቂቅ ህጉ በሃገሪቱ ተንሰራፍቶ የነበረውን ሙስና ከምንጩ ለማድረቅ ሲሰራ የነበረውን የሙስና አስወጋጅ ኮሚሽን ያዳክመዋል ሲሉ ስጋታቸውን ሲያሰሙ ነበር።

• በውሃ እየተዋጠች ያለችው ከተማ

አብዛኛዎቹ ተማሪዎች የሆኑ በሺዎች የሚቆጠሩ ኢንዶኔዢያውያን በመላው ኢንዶኔዢያ ዋና ዋና መንገዶች ላይ በመውጣት ተቃውሟቸውን አሰምተዋል።

ተቃዋሚዎች ከፖሊስ ጋር የተጋጩት ግን በዋና ከተማዋ ጃካርታ ሲሆን የፓርላማው አፈ ጉባኤ የሆኑት ባምባንግ ሶሳትዮ መጥተው እንዲያነግሩን እንፈልጋለን የሚል መልእክትም አሰምተዋል።

በመቀጠል ሰልፈኞቹ ፖሊስ ላይ ድንጋይ መወርወር መጀመራቸውን ተከትሎ አድማ በታኝ ቡድኖች አስለቃሽ ጭስና ውሃ ፓምፖችን በመጠቀም ተቃዋሚዎቹን ለመበተን ጥረት አድርገዋል።