የትኛው የወር አበባ መጠበቂያ ምርት ይስማማዎታል?

አብዛኛቹ ሴቶች የወር አበባን በሚመለከት የመጀመሪያ ያገኙት ትምህርት አጭር እና የተገደበ ነው።

በአመዛኞቹም ታምፖን ወይም ሞዴስ መጠቀም የሚለው ምርጫ ላይ ብቻ የተገደበ ነው።

ከእነዚህ ከተለመዱ ምርጫዎች ባሻገር አሁን ሰፊ የምርት አማራጮች አሉ። ይህም ዳግም ጥቅም ላይ የሚውሉ እና የሚታጠቡ ምርቶችን፣ አነስተኛ ኩባያዎችን እና ሱሪዎችን ያካትታል።

ነገር ግን የትኛው ምርት ተስማሚ ነው የሚለውን ለመምረጥ ምርጫዎች ሊበዙ ይችላሉ። እነዚህ ምርቶች እንዴት እንደሚሰሩ እና እርጥበት የማያሳልፉ እንደሆነ ለማወቅ ማውጣት ማውረዱ አይቀርም።

በሊቨርፑል ዩኒቨርስቲ የማህፀን ሐኪም የሆኑት ዶ/ር ታምፐስት ሴቶች የሚስማማቸውን ምርጫ እንዲያገኙ እነዚህ የወር አበባ ንፅህና መጠበቂያ ምርቶች እንዴት እንደሚሰሩ እና ጥቅም እና ጉዳታቸውን ይገልፃሉ።

የወር አበባ ካፕ (ኩባያ)

የወር አበባ ካፕ (ኩባያዎች) አነስተኛ እና ተጣጣፊ ሲሆኑ የሕክምና ቁሳቁሶች ከሚሰሩበት ሲልኮን ምርት ይሰራሉ።

ማህፀን ውስጥ ተጣጥፈው የሚገቡ ሲሆን፤ የወር አበባን ከመምጠት ይልቅ የማጠራቀም ሥራ ይሰራሉ።

ዶ/ር ታምፐስት የደም ፍሰት መጠን ወይም ልጆች መውለድን መሠረት በማድረግ የተለያዩ ዓይነት ኩባያዎች እንዳሉ ይናገራሉ።

ኩባያዎችን ሲጠቀሙ ንፅህናን መጠበቅ በጣም አስፈላጊ መሆኑን የሚገልፁት ሐኪሟ ኩባያዎችን ወደ ማህፀን ከማስገባት በፊት እጅን መታጠብ እና ኩባያዎችን ከተጠቀሙ በኋላ ደግሞ ማፅዳት አለባቸው ይላሉ።

ጥቅም

ጉዳት

የወር አበባ የውስጥ ሱሪ

የወር አበባ የውስጥ ሱሪዎች እንደ ውስጥ ሱሪ (ፓንት) ተደርበው የሚጠለቁ እና የወር አበባን መምጠጥ እንዲችሉ ተደራራቢ ጨርቆች የተሰፉላቸው ናቸው። እንደ መደበኛ ሱሪዎች ታጥበው ከደረቁ በኋላ ዳግም ጥቅም ላይ የሚውሉ ናቸው።

ለሌሊት ወይም የወር አበባ ፍሳሽ ቀለል በሚልባቸው ቀናት በጣም የተለመዱ ናቸው።

የወር አበባ ከመጠበቂያ ምርቶች አልፎ ይፈስሳል ወይም ልብስ ይነካል የሚለው ጭንቀት የተለመደ መሆኑን የሚያነሱት ዶ/ር ታምፐስት፤ የወር አበባ ሱሪዎች ለአብዛኞቹ ሴቶች አስተማማኝ እና ፍሳሽን ለመከላከል ተደራራቢ ንጣፎች እንዳላቸው ተናግረዋል።

ጥቅም

ጉዳት

የሚታጠቡ ፓዶች/ሞዴሶች

የሚታጠቡ ፓዶች ከአንድ ጥቅም በኋላ እንደሚወገዱ ከሚደረጉ ፓዶች ተመሳሳይ ናቸው። ነገር ግን በአብዛኛው ከጥጥ ወይንም ከቀርቅሃ የሚሰሩ እና በውስጥ ሱሪ በቁልፍ የሚታሰሩ ናቸው።

ከአንድ ጥቅም በኋላ ከማስወገድ ይልቅ ታጥበው እና ደርቀው ለዳግም አገልግሎት ይውላሉ።

ጥቅም

ጉዳት

ለአንድ ጊዜ ጥቅም የሚሰጡ ፓዶች

ለአንድ ጊዜ ጥቅም የሚሰጡ ፓዶች ወይም ሞዴስ በጣም የተለመደ የወር አበባ ንፅህና መጠበቂያ ምርት ሲሆን፤ በውስጥ ሱሪ የሚለጠፍ እና ከአገልግሎት በኋላ ተጠቅልሎ የሚወገድ ምርት ነው።

ዶ/ር ታምፐስት ሞዴስን ከአራት እስከ ስድስት ሰዓት መቀየር እንደሚያስፈልግ የሚናገሩ ሲሆን አንድ ሞዴስ ከስምንት ሰዓት በላይ መጠቀም የቆዳ መቆጣት ሊያስከትል ይችላል ይላሉ።

ጥቅም

ጉዳት

ታምፖን

ታምፖን እንደ ሞዴስ በጣም የተለመዱ ምርቶች ሲሆኑ ማህፀን ውስጥ ገብተው የወር አበባን የሚመጡ ናቸው።

ዶ/ር ታምፐስት አወጋገዳቸው ጥንቃቄ በተሞላበት መንገድ መሆን እንዳለበት ያሳስባሉ።

በየቀኑ 2.5 ሚሊዮን ታምፖኖች በቆሻሻ ቅርጫቶች ከመወገድ ይልቅ በመፀዳጃ ቤት ይጣላሉ።

ጥቅም

ጉዳት