Kryeministri Papandreu kërkon ndihmë nga BE-ja

Ai i kërkoi Parlamentit Evropian, ku mbajti një fjalim, që parlamenti t'i premtonte Greqisë se do ta ndihmonte atë duke i ulur përqindjet e interesit që i kërkohet të paguajë, në mënyrë që Greqia të mundë të përballojë krizën ekonomike.

Z.Papandreu tha se interesi i lartë do ta pengonte qeverinë e tij të ndërmarrë masat e duhura për të zvogëluar deficitin.

Ai tha se nëse nuk do të merrte ndihmë nga Evropa do t'i drejtohej Fondit Monetar Ndërkombëtar.

Ndërkohë shërbimi i taksive dhe pikat e karburantit në Greqi do të mbajnë grevë në shenjë proteste ndaj masave të qeverisë.