Roland Buerk BBc, Tokio

	Industritë japoneze humbasin prej shitjeve dhe forcimit të jenit

Industritë kryesore në Japoni vujanë nga i njëjti problem, një rënie dramatike e kërkesës për produkte në shkallë botërore dhe nga forcimi i monedhës japoneze (jen) kundrejt monedhave të tjera.

Toyota ka shënuar humbjet e para vjetore neto në masën 4.4 miliard dollarë.

Shitjet e makinave ranë me 1.34 milion krahasuar me një vit më parë.

Lajme të këqija ka patur edhe për kompaninë, Fuji Heavy Industries, prodhuesit e makinave Subaru, që ka humbur më shumë 700 milion dollarë.

Gjigandi i prodhimeve elektronike, Toshiba ka shënuar humbje prej 3.5 miliard dollarë.

Në masë të madhe, eksportet japoneze janë gati përgjysmuar krahasuar me një vit më parë.

Njerëzit në mbarë botën nga frika se mos humbasin vendet e punës, i kanë mënjanë planet për të blerë.

Ekonomia e Japonisë po kalon një rënie të thellë dhe papunësia është në rritje.

Pritet që shitjet të vazhdojnë të bien duke shënuar një tjetër humbje të madhe në mars 2010.