Barack Obama theksoi rëndësinë e miqësisë me myslimanët

Duke folur në Stamboll, zoti Obama tha se komunikimi më i mirë mes njerëzve duhet të tejkalonte mosbesimin.

Pas një takimi mes udhëheqësve fetarë dhe një ndalese të shpejtë në Xhaminë Blu dhe Aja Sofinë, presidenti Obama përfundoi turneun e tij në Turqi dhe Evropë me një sesion pyetje-përgjigjesh me studentët të universiteteve në Stamboll.

Ai u pyet për konfliktin izraelito-palestinez, Turqinë dhe Bashkimin Evropian, ndryshimin e klimës dhe nëse kishte ndonjë dallim real mes atij dhe paraardhësit të tij George Bush.

Ai foli në mënyrë informale me mikrofon në dorë dhe duke ecur pranë publikut teksa i përgjigjej pyetjeve të studentëve.

Ditën e hënë ai foli për opinionin elitar në Ankara, ndërsa të martën u përpoq t'i fliste turqve të thjeshtë, përpara se të hypte në avion për të kthyer në Shtetet e Bashkuara.