Zgjedhja e zonjës Palin ka si qëllim të tërheqë votuesit konservatorë

Ajo është guvernatorja e re e shtetit të Alaskës, Sarah Palin, e cila ka vetëm dy vjet në këtë post.

Mendohet se si konservatore në politikat sociale dhe fiskale dhe një kundërshtare e fortë e abortit, ajo mund të marrë mbështetjen e të krishterëve të krahut të djathtë.

Këta të fundit kanë qënë një mbështetje e madhe në të kaluarën për republikanët.

Sekretarja e Shtëpisë së Bardhë për Shtypin, Dana Perino e vlerësoi zgjedhjen e guvernatores Palin.

"Guvernatorja Palin është një reformuese e provuar që është e kujdeshsme me dollarët e taksapaguesve dhe partizane e përgjegjësisë brenda qeverisë."

"Suksesi i guvernatores Palin ka të bëjë me përkushtimin e saj ndaj parimeve dhe etikës së punës të llojit 'përvish mëngët' dhe ajo shërben si një shembull i mrekullueshëm i shpirtit të Amerikës," tha zonja Perino.

Sarah Palin është një brez i tërë më e re se zoti McCain dhe një korrespondent i BBC-së thotë se kjo zgjedhje duket si një zgjedhje ndoshta pak e dëshpëruar e senatorit për të sjellë rini dhe vitalitet për biletën republikane.