 | | | | | | | ||||||||||||||||||
| | |||||||||||||||||||||||
|
NATO-ja do të mbajë trupat në Kosovë | |||||||||||||||||||||||
Ministrat e jashtëm të NATO-s kanë filluar bisedimet në Bruksel gjatë të cilave pritet të konfirmojnë se Alanca do të vazhdojë të mbajë forcat e saj në Kosovë në nivelin e tanishëm edhe pas kalimit të afatit të ditës së hënë që shënon përfundimin pa marrëveshje të bisedimeve për Kosovën. Në fjalimin e tij të hapjes sekretari i përgjithshëm i NATO-s Jaap de Hoop Scheffer tha se organizata ishte e angazhuar për të ruajtur qendrueshmërinë në rajon dhe se do të veprojë me vendosmëri kundër atyre që përdorin dhunë. NATO ka tani rretj 16 mijë trupa në Kosovë. Ministrat e Jashtëm pritet të bien dakord që ato të qëndrojnë atje. Ndërsa bisedimet Prishtinë-Beograd përfunduan pa marrëveshje burime të NATO-s thonë se ato shpresojnë se angazhimi për t'i mbajtur trupat atje do të ketë një ndikim qetësues. Tani pritet që gjatë vitit të ri Kosova të shpallë pavarësinë - një hap që kundërshtohet nga Serbia dhe Rusia. Takimi do të jetë gjithashtu një mundësi për të provuar marrëdhëniet midis NATO-s dhe Moskës ndërsa ministri i Jashtëm rus Sergi Lavrov, pritet të vizitojë selinë e NATO-s për herë të parë që kur presidenti Vladimir Putin nënshkroi ligjin për pezullimin e pjesëmarrjes së Rusisë në Traktatin që kufizon Forcat Konvencionale në Evropë. Në fakt e ardhmja e Kosovës do të jetë një nga çështjet që mund të ngrihen kur minitri i Jashtëm rus të bashkohet me homologët e tij të NATO-s. Zyrtarët e NATO-s thonë se nuk presin ndonjë përparim në fushat ku ka mosmarrëveshje me Rusinë por ata thonë se do të ndjekin me kujdes sinjalet që do të dërgojë zoti Lavrov. | LOKALE  E ardhmja e Kosovës17 gusht 2006 | Analiza Solana flet për qetësi në Kosovë09 dhjetor 2007 | Faqja Kryesore Apel drejtuar BE-së për Kosovën 08 dhjetor 2007 | Faqja Kryesore Banorë serbë përleshen me rojat e Rucker-it08 dhjetor 2007 | Faqja Kryesore NATO-ja do të mbetet në Kosovë 07 dhjetor 2007 | Rajoni Ambasadorët e NATO-s vizitojnë Kosovën03 prill 2007 | Faqja Kryesore NATO nuk do ta tolerojë dhunën25 shkurt 2007 | Faqja Kryesore | |||||||||||||||||||||||
| ||||||||||||||||||||||||
| ||||||||||||||||||||||||
