Ilir Kadia BBC, Tiranë

	Berisha e quan të mundshëm kandidaturën e Nanos si president

Takimi i parë mes tyre në selinë rozë u bë pas dy vitesh e zgjati përtej kohës së parashikuar dhe pa praninë e medias, por me burime nga stafet përkatëse mediat në Tiranë flasin për atmosferë jo miqësore mes kryetarit dhe ish kryetarit socialist.

Fatos Nano tha pas takimit se kishte rifilluar partneritetin me Edi Ramën, ndërsa zëdhënësi i PS-së tha në emër të zotit Ramës se ishte gabim mbledhja e firmave për kandidat nga kushdo dhe se kandidati i opozitës së bashkuar edhe brenda saj duhej të ishte konsesual.

Ndërkaq kryeministri, Sali Berisha, njëherazi edhe kryetari i PD-së tha të enjten, para nisjes për në SHBA, se ishte i gatshëm për një tryeze me opozitën për emrin e kreut të ri të shtetit edhe para 20 qershorit, kur është votimi i parë në Kuvend.

Shumica mbështet njëzëri kanditaturën e Bamir Topit, por lë të hapur dialogun për kanditatura të tjera që mund të sjellin konsesus me opozitën.

Ndërsa opozita nuk e pranon Bamir Topin si kandidaturë konsensuale Berisha thotë se presidenti aktual, Alfred Mojsiu nuk mund të jetë kandidaturë e tillë dhe e quan të mundshme kandidaturën e Fatos Nanos si konsesuale.