Bethany Bell BBC, Vjenë

	Al Baradi lexon raportin për Iranin dhe komenton ftesën e Phenianit

Bordi i Agjencisë diskuton raportin më të fundit për Iranin, nga kreu i Agjencisë, Mohammed al Baradi.

Raporti thotë se Irani, është duke vazhduar zgjerimin e aktiviteteve për pasurimin e uraniumit në kundërshtim me Këshillin e Sigurimit.

Shqetësimi ndërkombëtar është në rritje, pasi uraniumi i pasuruar në nivele të larta, mund të përdoret për bomba bërthamore.

Irani thotë se ambiciet bërthamore janë paqësore, por Shtetet e Bashkuara të Amerikës janë duke nxitur sanksionet të forta kundër Iranit.

Bordi i Agjencisë do të diskutojë edhe ftesën e fundit të Phenianit - që do të jetë edhe e para vizitë e një zyrtari të lartë të Agjencisë, që kur inspektorët u ndoqën jashtë vendit në fund të vitit 2002.

Dr al-Baradi pritet të zhvillojë bisedime lidhur me pezullimin e aktiviteteve bërthamore të Koresë së Veriut dhe shkatërrimin e armëve, kur ai të shkojë atje këtë muaj.