Dick Cheney foli edhe për Korenë e Veriut dhe armatosjen e Kinës

Gjatë një vizite në Australi, zoti Cheney riafirmoi angazhimet e Uashingtonit për një fitore në Irak.

Ai paralajmëroi gjatë një një fjalimi në Sidnej, se alternativa do t'i jepte terroristëve, një shije fitoreje që do të ndizte terrorizmin në mbarë botën.

"Ne jemi të vendosur të fitojmë në Irak, sepse i kuptojmë pasojat e humbjes."

"Nëse kaolicioni ynë tërhiqej, përpara se irakianët të jenë në gjendje të mbrojnë veten e tyre, fraksionet radikale do të luftojnë për dominim në vend."

"Për hir të sigurisë afatgjatë, ne kemi detyrën për t'i ndaluar ata", tha zoti Cheney.

Zv/presidenti amerikan paralajmëroi edhe ndaj besimit të verbër tek premtimet e Koresë së Veriut për çarmatosje, si edhe foli për shqetësimet për rritjen e fuqisë ushtarake të Kinës.

Në Sidnej protestuesit dolën në rrugë kundër vizitës së tij.

Tre vetë u arrestuan gjatë përleshjeve të premten, dhe të paktën shtatë vetë u arrestuan për skena të ngjashme ditën e enjte.