James Westhead BBC, Uashington

	Bush hodhi poshtë pretendimet për përgatitje lufte ndaj Iranit

Zoti Bush paralajmëroi se dhuna do të vazhdonte dhe shtoi se operacionet për të ndalur atë, do të merrnin kohë.

Ai paralajmëroi Kongresin që të mos bllokonte financimin e më shumë se 20 mijë trupave shtesë, që janë dislokuar për t'i dhënë një shtysë forcave që ndodhen në Irak.

President Bush, duke folur në konferencën e tij të parë për shtyp këtë vit, këmbënguli se plani i sigurisë në Bagdad, për të dërguar 20 mijë trupa shtesë, ishte në lëvizje.

Ai e pranoi se plani do të merrte kohë, megjithatë ai nuk tha se sa gjatë, dhe pranoi nga ana tjetër, se dhuna do të rritej.

Megjithatë presidenti theksoi se se ky plan do të t'u jepte irakianë një ndjenjë normaliteti në vend dhe besimi se qeveria e tyre mund të vendoste sigurinë.

Bush tha se kjo do të krijonte edhe një hapësirë për kryeministrin al-Maliki dhe një shans për të pajtuar grupe të ndryshme.

Presidenti iu përgjigj edhe pretendimeve nga zyrtarë amerikanë të paidentifikuar, të cilët akuzojnë qeverinë iraniane se është duke dërguar armë në Irak.

Ai kundërshtoi këto njoftime duke thënë se nuk e dinte nëse udhëheqja iraniane ishte e përfshirë.

Presidenti hodhi poshtë edhe pretendimet se SHBA ishte duke përgatitur një pretekst për luftë ndaj Iranin, dhe i quajti ato marrëzi.