Greg Morsbach BBC, Karakas

	Chavez dhe Ahmedinejad vlerësuan në Karakas politikat e njëri-tjetrit

Presidentët Chavez dhe Ahmedinejad bënë deklarata të përbashkëta në kryeqytetin e Venezuelës Karakas.

Megjithë barrierat kulturore dhe gjuhësore, presidenti Ahmedinejad dhe mikëpritësi i tij venezuelian janë duke kënduar nga e njëjta faqe e librit të muzikës.

Ka patur shumë bisedime mes të dy zyrtarëve lidhur me krijimin e një bote pa dominancën e një fuqie të vetme.

Presidenti Chavez vlerësoi formën islamike të qeverisë në Iran dhe tha se ishte koha që Islami të mos më demonizohej si fe në botë.

Zoti Ahmedinejad tha se të gjithë njerëzit i luteshin të njëjtit zot.

Ty dy udhëheqësit e cilësojnë veten si revolucionarë dhe 29 marrëveshjet që kanë nënshkruar, janë sipas tyre të dizenjuara për të çuar përpara revolucionet.

Marrëveshja përfshin edhe krijimin e një komanie të përbashkët çeliku dhe përpurnimi nafte, një firmë e përbashkët për nxjerrjen e naftës dhe një fond që kap vlerën e 2 miliardë dollarëve.

Kësaj i shtohet fakti se Irani dhe Venezuela pritet të fillojnë edhe ndërtimin e një fabrike për prodhimin e makinave familjare të lira, të cilat do të synojnë tregun e vendeve në zhvillim.