Myslimanët fajësojnë politikën e Blairit

Një letër e hapur që botohet si një reklamë në disa gazeta kombëtare britanike, është nënshkruar nga më shumë se 30 grupe myslimane dhe shumica e deputetëve myslimanë.

Ajo thotë se politika e tanishme e qeverisë i jep municion ekstremistëve.

Letra u publikua ndërsa policia britanike vazhdon të marrë në pyetje 23 persona të arrestuar në lidhje me një komplot për të hedhur në erë avionë pasagjerësh mbi Atlantik.

I arrestuari i 24-rt është liruar pa u akuzuar.

Ministri I brendshëm Britanik, John Reid ka bërë të ditur se niveli zyrtar i gatishmërisë do të mbetet 'kritik', më i larti i mundshëm, që të mund të garantohet mbrojtja për publikun në Britani.

Autoritetet britanike kan ngrirë asetet financiare të 19 prej të arrestuarve në lidhje me komplotin e dyshuar.