Shumë pasagjerë janë bllokuar në aeroporte

Fluturimet për në shumë qytete evropiane janë pezulluar pasi kontrolluesit e trafikut ajror kërkuan që shumica e fluturimeve për në Heathrow të anulloheshin.

Një zëdhënës tha se nuk ishte e qartë se për sa kohë do të vazhdojnë masat e nivelit të lartë.

Edhe aeroportet e tjera kanë forcuar tashmë masat e sigurisë.

Përfaqesuesi i British Airways në Tiranë, Adrian Dafa, thotë nga Rinasi për BBC-në se fluturimi i sotëm do të kryhet por me vonesë. Ndërkohë në aeroport janë marrë të gjitha masat e sigurisë.

Qantas, linja ajrore australiane, thotë se ka kufizuar bagazhet e dorës për fluturimet për në Britani si dhe ka ndaluar lëngje në fluturimet që shkojnë drejt SHBA-ve.