Dubartiin El Saalvador ulfa baasteen waggaa 15 booda hidhaadhaa baate

Daataa qusachuuf barreeffama qofa dubbisi
Maira Figueroa is embraced by a relative, shortly after being released from the Women's Rehabilitation centre in Ilopango, El Salvador on March 13, 2018

Madda suuraa, AFP

Ibsa waa'ee suuraa, Maariyaa Figuwerowaa yeroo hidhaadhaa baatu harmeen ishee gamamchuun simatan

Dubartiin umurii 34 lammii El Saalvador taate ulfa ofirraa baasuun waggaa 15 mana hidhaa erga turte booda hiikamte.

Maariyaa Veronikaa Figuwerowaa Marrokuwin jedhamtu erga hidhaan waggaa 30 ajjeechaadhaan ittiin himatamte hir'ateefi booda baate.

Haala kamiiyyuu keessatti El Saalvador keessa ulfa baasuun dhorkaadha. Amantiin isaaniis gara caalu kaatolikii Roomaa hordofu.

Akka ishiin jettutti garuu ulfa baastee osoo hin taane bara 2003 mana namaatti hojjetaa taate yeroo hojjettu mucaatu yeroo malee garaadhaa bahe.

Yeroos mana yaalaa geeffamtee himatamte. Achii hidhaa buute.

Yeroo isheen hiikamtu mana hidhaa Iloopaango magaalaa guddootti dhiyaattee argamtutti maatii, gaazexessitoonniifi regeeyyiin ishee simataniiru.

''Maatiikoo waan argeef baay'een gammade. Akkamitti wanti kuni akka na mudateefi dubartoota kaan gargaaruuf seera nan baradha.''

Addee Figuwerowaan umurii ishii walakkaa giddugala Iloopaango dubartoota deebisanii ijaaruuf dhaabbate keessatti hidhaa waggaa 15 itti darbe itti dabarsite yeroo baatu, Bitootessa 13, 2018

Madda suuraa, EPA

Ibsa waa'ee suuraa, Addee Figuwerowaan umurii ishii walakkaa giddugala Iloopaango dubartoota deebisanii ijaaruuf dhaabbate keessa dabarsite

Adde Figuwerowaan dubartii lammataa waggaa kana hidhaan isaanii ulfa baasuun himatan akka gabaabbatuf ta'e keessaati.

Skip Baay'ee kan dubbifame and continue reading
Baay'ee kan dubbifame

End of Baay'ee kan dubbifame

Biyya El Saalvadoor keessatti ulfa baasuun hanga waggaa 8 nama hisiisa. Yoo mucaan dhalate du'e garuu ajjeechaan nama himachiisuun hanga waggaa 30 nama hiisisa.

Biyyoonni Laatin Ameerikaa hedduu dhimma ulfa baasuu irratti ejjennoo wal fakkaataa qabaatanis akkitti El Saalvador keessatti raawwatu garuu ni cima.

Doktaroonni dubartii ulfa baasu yaadde yoo argan mootummaaf beeksisuu qabu. Ta'u baannaan hidhaan isaanis ilaallata.

Erga bara 2000 as dubartoonni 100'tti tilmaamaman El Saalvadoritti dhimma kanaan himatamaniiru.