'Gadda jechaan ibsamuun ol': Gaggeessaan namoota Awustiraaliyaatti jumlaan ajjeefamanii raawwatame

Haguuggii Tamsaasa Kallattii

1. 17 Muddee 2025MM UK Roomaan Abraamovichiin amma kaffali ykn diddu ni himatamta jedhan

   

   Madda suuraa, Getty Images

   Ministirri Muummee UK Kiir Istaamar abbaa qabeenyee kilabii Cheelsii duraanii Roomaan Abraamovichiin 'namoota waraana Yukireeniin miidhamanniif maallaqa kaffali ykn ni himatamta' jedhan.

   Abraamovich bara 2022 keessa yuuroo biliyoona 2.5 kilaba Cheelsii gurguree argate namoota waraana Raashiyaanitti Yukireenitti gaggeessituun miidhaaman gargaaruuf akka oolchu waadaa seenee ture.

   Haata’u malee maallaqicha kaffaluurra harkifateera.

   Sababa kanaaf maallaqa isaa baankii Biritiish keessatti akka hin sochoone dhorkameera.

   Mootummaan UK maallaqni kun gargaarsa namoomaaf akka oolu barbaada, garuu Abraamovich ''midhamtoota waraanaa hundaaf'' akka oolu cimsanii dubbatan– Kana jechuun lammileen Raashiyaas maallaqa kanatti fayyadamu jechuudha.

   Dureessi kun qoqqobbii UK jalatti maallaqa kana argachuu hin danda'u garuu maaallaqni gurgurtaa Cheelsiirraa argame ammallee seeraan kan isaati.

2. 17 Muddee 2025Hiriyoonni Hindii lama diyaamandii doolara 55,000 baasu argatan

   

   Madda suuraa, Amit Rathaur

   Hiriyoonni lamaan kun naannoo walakkeessa Hindii, Pannaa bakka jedhamutti waanta jijreenya keenya bu’uurarraa geeddara jedhan dhiyootti argatan.

   Hiriyoonni ijoolummaan waliin turan kun Saatish Kaatik fi Saajid Mohaammad jedhamu.

   Jalqaba dhagaa se’an, waanta dhagaa fakkaatu kana warra diyaamandii madalaan bira wayita geessan diyaaamandii qulqullina kaaratii 15.3 qabu ta’uu baran.

   Diyaamandii qulqullina gaarii qaban keessaa kun isa tokko.

   ''Gabaarratti dhagaan kun maallaqa Hindii Ruuppii miliyoona jaha ykn $55,000 - $66,000 ta’uu baasa'' jedha namni qulqullina diyaamandii madaalu Anupam Singi jedhamu.

   Caalbaasiin mootummaa biyyattii base namnoota diyaaamandii biyyattii Hindii dabalatee addunyaa guutuurraa hawwaatera.

   Jarri lachuu baayyee gammadaniiru, Kan booda ‘’obboloonni keenya shamarrrannii waan ittiin heeruman hin dhaban’’ jedhan.

   Lachuu maatii harka qal’eeyyii keessatti dhalatan.

3. 17 Muddee 2025Veeniziweelaa Tiraamp dooniin biyyattii akka hin seenne ugguruu balaaleeffatte

   

   Madda suuraa, Getty Images

   Pirezidantiin Ameerikaa Doonaald Tiraamp taankari boba’aa hundi Veeniziweelaa akka hin seenne fi biyyattii keessaa akka hi baane ugguran.

   Veeniziweelaan tarkaanfii Tiraamp kana waraana biyyattiirratti labsuudha jetti.

   Tiraamp mootummaa Pirezidantii Nikolaas Maaduroo akka dhaabbata shororkeessaa biyya alagaatti ramadan.

   Tiraamp’’ Maaduroon dawaa fi namoota daddabarsuurratti hirmaateera’’ jechuun himatan.

   Yaadni Tiraamp kennan kan dhagahame Ameerikaan taankarii boba’aa qarqara Veeniziweelaatti torban darbe ugguruu hordofeeti.

   Kana malees Ameerikaan bidiruuwwaan balaa samuu namaa adoochu jedhamee shakkamu haleelaniiru.

4. 17 Muddee 2025Tiyeerii Heneriiy badhaasa umrii guutuu argachuufi

   

   Madda suuraa, BBC Sport

   Jifataan duraanii garee Faransaayiifi kilaba Arsenaal Tiyeerii Heneriiy BBC Sport irraa badhaasa gumaata umrii guutuu arrgachuufi.

   Namni amma ganna 48 guute Heneriin, bara 2014tti soorama bahuu dura Piriimiyeer Liigii keessatti jifataa qexxee hin qabne ture jedhamee faarfama.

   Heneriin badhaasa 2025 BBC Sports Personality of the Year Kamisa dhufu gaggeeffamurratti badhaasni umrii guutuu argachuuf akka ta'e ibsameera.

   ''Kubbaan miilaa waan hunda naaf kenniteetti aniis waan hundakoo kenneefiira jedhe'' jedhe Heneriin.

   Badhasa kana akka salphaati hin ilaalu jechuunis BBCtti himeera.

   Heneriin Arsenaal waliin tapha 377 irratti hirmaatee goolii 228 lakkoofsiseera. Bara 2005ttis jifataa Arsenaaliif goolii hedduu lakkoofsise ta'eera.

   Arsenaal waliin waancaa FA Cup lamaafi Piriiiyeer Liigii lama injifateera. Garee Arsenaal bara dorgommii 2003-04 guutuusaa osoo hin mo'amiin xumuree moggaasa 'Invincibles' jedhamu keessa ture.

   Heneriin yeroo afur taphataa cimaa liigichaa jedhamuun filatameera. Kophee warqee afuris injifateera. Kuni warra rikardii harka qaban keessaa tokko isa godha. Waggoota walitti aanan jahaaf garee cimaa Waldaan Kubbaa miilaa filatu keessatti hammatameera.

   Bara tokkotti kubbaa goolii ta'e 20 mijeessee kennuudhaanis Keevin Deburuuyina waliin rikardii qooddata.

   Haata'u malee Badhaasa guddicha kubbaa miilaa, Ballon d'or hin injifanne.

5. 17 Muddee 2025Viidiyoon haaraa yeroo namoonni dhukaasaa jumlaa Boondii Biich dhaabsisuuf yaalan agarsiisu bahe

   BBC Verify viidiyoo daqiiqaa 11 ajjeechaa jumlaa Awustiraaliyaa, Siidinii bakka Boondii Biichitti abbaafi ilmi raawwachuun namoota 15 galaafataniifi kaan baayyee madeessan qoratee baaseera.

   Viidiyoo kana keessatti dhirsaafi niitiin tokkos namoota qawwee jumlaan namatti dhukaasaa turan dhaabsisuuf yeroo yaalanittis ni agarsiise.

   Namichi hidhattoota lamaan keessaa tokkorraa qawwee botee gootummaan jajamaa jiruus akkasum ni mul'ata.

   Daawwadhaa.

   Contains disturbing scenes.

   Contains disturbing scenes. Play video, "New footage reveals how people tried to stop Bondi Beach shooting", Turtii 3,17

   03:17

   

6. 17 Muddee 2025Sirboota isaa 'Warra Boolee' hanga 'Afrikaa' jedhuun kan beekamu weellisaa Sonaa Taakkalaa eenyu?

   

   Madda suuraa, Sonaa Taakkalaa

   Sirbi isaa 'Warra Boolee' jedhu waggaa tokko keessatti miiliyoona 30 ol ilaalamuun sirboota Afaan oromoo keessaa jalqaba irra jira.

   Dhiyeenya ammoo akkas jedhe;

   Dhalootaan hundeen Kuush....

   Mootota Nuubiyaanii

   Galma Siidaa Aksuum

   Warra Qarooma durii....jedhee weellise.

   Daabee isaa facaasuun kan weellisu, faashinii adda taheen dubbii ijoo kan tahe, Galaanni Diimaa kan hortee Kuush jechuun dhiyeenya kan sirbe Sonaa Taakkalaa waggoota dhihoon as jaalatamummaa guddaa horateera.

   Duras sirboota biraa hojjeteera. Garuu 'Warra Boolee' jechuun yeroo weellisu miliyonotaan jaalatameera. Kan qeeqanis jiru.

   Icciitii milkaa'ina 'Warra Boolee' fi hojii aartii isaa

7. 17 Muddee 2025Naaviid Akraam ajjeechaa namoota 15 dabalatee yakkoota 59n himatame

   

   Madda suuraa, Anadolu via Getty Images

   Namoota lamaan Dilbata darbe ajjeechaa jumlaa Awustiraaliyaa, Siidinii, bakka Boondii Biichitti raawwatan keessa kan lubbuun hafe, Naaviid Akraam, yakka ajjeechaa amoota 15 fi shororkeessummaa dabalatee himanni 59 irratti dhiyaachuu poolisiin Niiwu Saawoz Weels beeksiseera.

   Isa waliin ajjeechaa jumlaa kana kan raawwate abbaan isaa Saajid Akram umuriin isaa wggaa 50 ta'e ammoo battaluma sanatti poolisii waliin wayita walitti dhukaasa ture ajjeefame.

   Taatee kanaan namoonni sirna kabaja ayyaana warra Yihudootaarra turan keessaa namoonni 15 ajjeefamanii, baayyeen madaa'aniiru.

   Seenaa Awustiraaliyaa keessatti erga bara 1996 as ajjeechaa isa hamaa ta'ee galmaa'eera.

   Kana malees, Naaviid Akiraam ta'e jedhee nama ajjeesuuf miidhaa qaamaa hamaa taasisuun himannaa 40, akkasumas mallattoo dhaabbata shororkeessaa dhorkame addabaabaayiirratti mullisuun ammoo himanni tookko irratti dhiyaateera.

   Namni kun dhukaasa Dilbata tureen madaa'ee hospitaala bakka wallaansarra jirurraa himannaa isarratti dhiyaate jalqabaa dhaggeeffateera jechuun miidiyaaleen gabaasaniiru.

8. 17 Muddee 2025MM INdiyaa Naarendeeraa Moodii dawwaanna hojiif Finfinnee jiru

   

   Madda suuraa, Naareendiraa Moodii

   Ministirri Muummee Indiyaa Naareendiraa Moodii kaleessaa jalqabee daawwannaa hojiif Finfinnee jiru.

   MM Indiyaa simannaan ho'aan taasifameefiif booda, waliigaltee biyyoota lamaanii gidduutti hojiirra oolfaman sadiis waliif mallatteessaniiru.

   Kana malees, Naareendiraa Moodiin badhaasa guddaa Itoophiyaa 'Nishaanii' badhaafamaniiru.

   Haasaa manneen-maree bakka bu'oota ummataafi Federeeshiniirratti dhiyaatanii taasisanis ni argattu.

   MM Indiyaa simannaa 'hin dagatamne' booda Nishaanii badhaafaman, waliigaltee raawwatan

9. 17 Muddee 2025ASHAMAA!

   Akkam jirtu hordoftoota BBC Afaan Oromoo?

   Toora tamsaasa kallattiin odeeffannoo isiniif ittiin dhiyeessinu amma jalqabneerra.

   Dhiyaadhaa>