Iraan ollootashee yoo akeekkachiistu US loltootasheef ajaja dabarsite

Haguuggii Tamsaasa Kallattii

1. 15 Amajjii 2026US Giriinlaand humnaan akka fudhattu Tiraamp beeksisuu hordofee biyyoonni Awurooppaa loltoota bobbaasuu eegalan

   

   Madda suuraa, Reuters

   Giriinlaand qaama Deenmaark taatus Tiraamp nageenya biyyaaleessaa US' f murteessituudha jechuun ega ija irra kaa'atee bubbuleera.

   US karaa nagaa Giriinlaand bituu akka barbaaddu ibsuun, dinnaan humnaan qama US akka ishee godhu Tiraamp akeekkachiisee ture.

   Biyyoonni Awurooppaa garuu deemsa Tiraamp kana hin deeggarre ibsuun Deenmaark cinaa akka dhabbattan akeekan.

   Kanumaaf jecha ergama hojii hordoffiif biyyoonni kunneen loltoota bobbaasaa jiru.

   Faransaayi loltoota muraasa Giriinlaanditti kan ergite yoo ta'u, Jarman, Siwiidiin, Noorweey, Nezarlaandis fi UK'n biyyoota loltoota bobbaa'uuf jedhaniidha.

   Pirezidaantiin Faransaayi Imaanu'eel Maakroon loltoota amma magaalaa guddoo Giriinlaand Nuukitti bobba'aniin alatti loltoonni lafoo, humna galanaafi qilleensaa akka bobba'an ibsan.

   Biyyoonni Awurrooppaa kunneen Giriinlaanditti loltoota kan bobbaasaniif, ministiironni dhimma alaa Deenmaark fi Neezarlaandis gara US deemuun pirezidaantii ittaanaa JD Vaansi waliin wal-arganii waliigaltee malee adda bahanii boodadha.

2. 15 Amajjii 2026Tiraamp Iraan haleeluu dhiisuu isaa gabaasalen ibsan

   

   Madda suuraa, Reuters

   Muddama USfi Iraan gidduutti uumameen Tiraamp Tehraan haleela jedhamee osoo eegamuu yaada kaasuun dhagahame.

   Miidiyaan Israa'el The Jerusalem Post akka gabaasetti, US Tehraan akka hin haleelle Tiraamp Iraanif ergaa dhaame.

   Barruun kun gabaasa miidiyaan Paakistaan dippilomaatii Iraan dubbisuun dhiyeesse waabeffachuun akka gabaasetti, US Iraan akka hin halelle ibsuun Iraanis akka tasgabbooftu Tiraamp dhaamera.

   Tiraamp kaleessa halkan ibsa kenneen Iraan namoota hiriira bahan ajjeesuu dhiisuu odeeffannoon isa qaqqabuu ifa gochuun dhugaa ta'ufi dhiisuu isaa US akka hordoftu beeksise.

   US humnootashee Baha Giddu Galeessaa keessa jiran baasuu hordofee Tiraamp Iraanirratti haleellaa raawwachuufi sodaan jedhu jabaatee ture.

3. 15 Amajjii 2026Tiraamp Iraan haleeluu akka dhuusu ibsuu hordofee, gatiin boba'aa kan gadi bu'e

   

   Madda suuraa, EPA

   Erga preezdaantiin Ameerikaa Doonaald Tiraamp Iraan irratti duuluu dhiisuu mala jedhee booda,Gatiin boba’aa gabaa addunyaa irratti gadi bu’e.

   Gatiin jinkita boba’aa barmeela tokkoo gara doolaara 64tti gadi bu’uun dhibbeentaa afuriin hir'ina agarsiisera.

   Guyyoota darban keessa gatiin boba'aa barmeela tokkoo doolaara 67 ture.

   Gama biraatiin ammoo gatiin warqee Roobii darbe gara doolaara 4,600tti kan ol guddate yoo ta’u, kunis Kibxata darbe irraatti dhibbeentaa 0.4 dabaleera.

   Tiraamp gaazexeessitoota waajjira isaanii keessatti walitti qabamaniif, ''Iraan lammiilee ishee ajjeesuu akka dhaabde dhageenye. . . du'aa adabuuf karoorri hin jiru,'' jedhan.

   Pireezidaantichi kanaan dura Rippabiliika Islaamaa Iraan irratti ''tarkaanfii baayyee cimaa'' akka fudhatu doorsisaa turan.

   Gatiin boba'aa dhibbeentaa 1 ol dabalee ture, garuu yaada Tiraamp hordofuun battalumatti gadi bu'eera.

   Tarkaanfii waraanaa Iraan irratti fudhatan guutumaan dhiisuu isaanii kan gaafataman Doonald Tiraamp haala jiru hordofaa akka jiran dubbataniiru.

4. 15 Amajjii 2026Poolisiin Federaalaa US Minisootaatti nama rasaasaan rukute- Aanga'oota

   

   Madda suuraa, Reuters

   Miseensi Poolisii seera Immigireeshinii fi Gumuruukaa raawwachiisuuf bobbaafamanii nama tokko rasaasaan rukutuu aanga'oonni Minisootaa ibsan.

   Namni kun bakka Amajjii 7 dubartiin umrii waggaa 37 itti ajjeefamtetti rukutame.

   Ministeerri dhimma biyya keessaa US jalqaba miseensonni poolisii federaalaa nama kana eeyyama jireenyaa seera qabeessa hin qabu jechuun ari'aa turan jedhe.

   Kurkursanii wayita dadhaban rukutan. Namni rasaasaan miillasaarra rukutame kun yeroo ammaa hospitaala seeneera.

   Poolisiin rukutes miidhaa irra ga'een hospitaala seeneera.

   Erga dubartiin waggaa 37 Renee Nicole Good miseensa ejentoota ICEn ajjeefamtee booda muddamni Minisootaatti hammaateera.

5. 15 Amajjii 2026Hubannoon nam-tolchee Iloon Maask Girook suuraa namaa qullaa buusuu dhaabuufi

   

   Madda suuraa, Getty Images

   Hubannoon nam-tolchee Girook jedhamuufi miidiyaa hawaasaa Iloon Maask X irratti hojjetu qeeqni itti jabaachuun booda suuraa namoota sirrii gulaaluun qullaa buusuu akka dhaabu himeera.

   ''Girook suuraa namoota sirrii uffata bikiinii jedhamu keewwatanii gulaaluu akka dhaabuuf teeknolojii gargaaru hojiirra oolchineerra,'' jedhe dhaabichi.

   ''Dhorkaan kuni tolaanis tahe kaffaltiin kanneen appii kana fayyadaman ilaallata,'' jedha ibsi X irratti bahe.

   Tarkannfiin kuni kan dhagahame abbaan alangaa olaanaa Kaalifoorniyaa suuraawwan qabiyyee saal-quunnamtii AI'n gulaalamanii kan suuraa ijoollee otoo hin hafiin qaban tamsaa'a jiraachuu irratti qorannoon akka adeemsifamu himuun booda dha.

6. 15 Amajjii 2026Tiraamp Iraan hiriirtota ajjeesuu itti fufuuf 'karoora hin qabdu' jedhe

   

   Pirezidantiin US Doonaald Tiraamp Iraan hiriirtota ajjeesuuf ''karoora hin qabdu,'' jedhe, garuu ammoo biyyattiirratti ''tarkaanfii waraanaa hin fudhu'' jedhee hin dubbanne.

   Tiraamp humnoonni mootummaa biyyattii yoo hiriirtota humnaan cabsuu itti fufan tarkaanfii akka fudhatuu fi lammiilee Iraaniif akka birmatu dhaadataa ture.

   US fi UKn loltoota buufata waraanaa Kataar Al-Udeyid keessatti argamu keessaa hir'isaa jiraachuu CBS gabaaseera.

   Gabaasi kun Ameerikaan loltootashee baasuun ''tarkaanfii akeekkachiisaa'' ta'uusaati.

   Iraan gamasheen daandii qilleensaa ishee hunda cufteetti. Hanga ammaatti sa'aatiiwwan shaniif xiyyaarri biyyattii keessaa ba'a ahin jiru, gara biyyattiis seenaa hin jiru.

   Daandiiwwan qilleensaa biyyoota biroo hedduun Iraan irraa maquun daandii biraa filataa jiru.

   Ministirri dhimma alaa imbaasii Biriteen kan Tehraan keessa jiru yeroof cufeera.

   Tiraamp hookkara Iraan irratti wayita yaada kennu ''ajjeechaan dhaabbachaa akka jiruu fi biyyattiin kanneen hiriira mormiirratti hirmaatan ajjeesuuf karoora akka hin qbane,'' itti himamuu ibse.

7. 15 Amajjii 2026Akkam jirtu?

   Tamsaasa kallattii eegalleerra. Hookkara Iraan fi duula bulchiinsi Tiraamp godaantota irratti gaggeessaa jiru akkasumas odeessaalee biyya keessaa fi alaa kaan gabaabsinee karaa kanaan isin biraan geenya.

   Nu hordofaa!

   Tamsaasa kallattii duraanii asii argattu