US haleellaan qiyyeeffannaawwan Iraaniin hidhata qabanii deebii 'jalqabaati' jette

Haguuggii Tamsaasa Kallattii

1. 4 Guraandhala 2024US haleellaa sayibarii dhaabbata bishaaniif qondaaltoota Iraan adabde

   Ameerikaan qondaaltoota Iraan cimoo kanneen miseensa Garee Eegdoota Warraaqsa Isaamaa (IRGC) jaha haleellaa saayibarii dhaabbilee bishaan Ameerikaa irratti bara darbe gaggeefameef itti gaafatamoodha jedhen irra qoqqoobbii keesse.

   Qoqqoobbiin kunis wayita US ajjeechaa loltootashee Joordaan keessatti raawwatameef haaloo bahuuf qophaa'aa turtetti ture.

   Ajjeechaa raawwatame sanas garee milishootaa Iraaniin deeggaramanitu itti gaafatamodha jetti US.

   ''Basaastoota saayibarii Iraaniin ta'e jedhanii bu'uuraalee misoomaa murteessoo ta'an irratti xiyyeeffachuun gochaa balaafamaadha,'' jedhan Biraayaan Neelsan, qondaalli Tika Maallaqaafi Shororkessummaa.

   Namoonni qoqqobbiin irra kaa'ame kunneenis qaamaa Ajaja Saayibarii Elekitiroonii Cyber-Electronic Command (IRGC-CEC) fi kan Haamiid Reezaa hammatuudha jedhan dursaan dhaabbata saayibarii fi ajajjaan Humna Iskuwaadi IRGC.

   Humni Isquwaad kan duula waraanaa Iraan to'atuufi kan Ameerikaan Jidduugala Bahaa keessatti haleellaa raawwatamaa jiruuf itti gaafatamoodha jettudha.

   Obbo Neelsan itti dabaluudhaan, "Ameerikaan tarkaanfii akkasiif obsa kan hin qabne yoo taatuu, meeshaalee fi aangoo geenya guutuutti fayyadamuun kanneen balleessaa raawwatan itti gaafatamo taasifna'' jedhan.

   Ejjansiin Nageenya Saayibariifi Nageenya Bu'uraalee Misoomaa Ameerikaa (Cisa)n sirna bishaan Ameerikaa kan jiraattoonni dhugaatiif irratti bu'urreeffatan 'target-rich, cyber-poor'jedhan.

   "Sababii kanaafiidha kan Cisa'n ariifannaa kanaan socha'eef'' jedhan eejansichatti Ittaanaan daareektara olaanaa nageenya saayibarii, Eriik Gooldsteen af-gaaffii BBC waliin taasisaniin.

2. 4 Guraandhala 2024Hattuun osoo hatuu bilbilasaa gate deebifachuuf yaale qabame

   Paarisitti namichi hannaan shakkame tokko mana seenee osoo samuu bilbilasaa gatee ba'e. Boodarra bilbila isaa gatee bahe deebiisee argachuuf itti bilbile to'annoo jala oolfamuu miidiyaan Faransaay hime.

   Gaazexaan Le Parosoen akka jedhutti, shakkamaan kun Jimaata darbe mana namaa seenee oso hataa jiru, tasa abbaa manichaa wayita arguutti rifachuun baqate.

   Shakkamaan laaptoppii manichaa haatee osoo baqatu bilbilasaa achitti buuse.

   Daqiiqaa muraasa booda ammoo, bilbila ofii isaatti bilbiluun laaptoppii hate deebisee bilbila isaa fudhachuu akka barbaadu ibsuusaa gaazexaan kun gabaaseera.

   Ganama sanas shakkamaan, mucaa umurii ganna 18 gadii akka ta'e ibsame, yeroo manichatti deebi'u qondaaltota poolisii achitti isa eegaa turaniin to'annoo jala oolfameera.

3. 4 Guraandhala 2024Wanbadeen mana hidhaa Xaaliyaanii ansoolaadhaan rarra'ee miliqe qabame

4. 4 Guraandhala 2024US haleellaan qiyyeeffannaawwan Iraaniin hidhata qabanii deebii 'jalqabaati' jette

5. 4 Guraandhala 2024'Baaydeniifi Netaniyaahuun gamoo tokkorra waliin jiraatuu?' Aanga'aa Huutii

   Waa'een hidhattoota Huutii wayita ka'utti, maqaan Mohaammad Alii Al-Huutii, yeroo dheeraaf dureewwan garichaa ijoo keessatti dhahama. Namni kunakka mallattootti ilaalama.

   Qopheessaan BBC Arabic hidhata isaan Yaman taa'anii taateewwan Gaazaa kan ''fageenya kiiloomeetira hedduu'' isaan irraa fagaatu waliin qaban gaafatee ture.

   Innis deebiisuun, Baayidaniifi Netaaniyaahuun ''gamoo tokko keessa waliin jiraatuu?'' yookinis pirezidantii Faransaayiitu ''isaani waliin gamoo tokko keessa waliin jiraataa?'' jedhuun gaaffiichaaf deebii gaaffii dhiyeesse.

   Yeroo tokko wayita magaala guddoo Sana'aa keessatti dippilomaatii Awurooppaan wal argeetti osoo bishikileetiin deemuu mul'ate.

   Yeroo gaaffiifi deebiif BBC'n isa barbaaduttis buufata xiyyaaraa idil-addunyaa kan gamtaa waraanaa Saa'udiin durfameen waraanaa bara 2015 irratti Huutii irratti gaggeeffameen cufameefi duwwaa ta'e keessatti gaazeexeessitootaan wal arge.

   Innis namoota Huutii dhiibbaa olaanaa taasisan keessaa tokko yoo ta'u, bulchaa dhimma keessoo Huutii kan ''ijaafi gurraa sochichaa ta'uun'' kan biyyattii keessa to'annoo bulchiinsaa gaggeessuudha.

   Haata'u malee, aangoonni garee kanaa kan jiruu dureewwan olaanoo gonkumaa miidiyaatti dubbatanii hin beekneefi baayyee ummatatti hin mul'annee harka jira.

   Waraanni garee Huutii akkaan akka guddatuuf kanneen taasisan duuba Abduul Maaliik Al-Huutiis akka jiru himama.

   Erga waggoota dhiyootiin as, ergamtoonni biyya alaas karaa foddaa miidiyaa qofaan hanga ta'e isa argan.

6. 4 Guraandhala 2024Haleellaa US-UK dhiyeenyaan booda Huutiin haleellaa hin raawwanne

   Erga tibbana warri Lixaa Yaman keessatti haleellaa raawwatanii booda haleellaa Huutiitiin Galaanaa Diimaa irratti raawwatamuuf gabaasni homaatu hin dhaga'amne.

   Guyyaa Sanbataa, osoo haleellaan qilleensaa gaggeeffamu hin eegaliin dura, milishoonni Huutii suuraa wayita loltoonni saanii shaakala irra jiran agarsiisu gadi dhiisanii turani.

   Suraalee muraasnis yeroo qiyyeeffannaawwan UK, US fi Israa'el sobaa itti dhukaasuun barbadeessan agarsiisu.

7. 4 Guraandhala 2024Huutiin hangam cimoodhaa?

   Huutiiwwan Yaman keessatti garee bicuu gaarreen kaaba-lixa biyyattiirraa buufatanidha.

   Moggaasa maqaasaanii kanas hundeessaa humna kan kan ture Huuseen Al-Huutii irraa argatan.

   Baroota 2000 keessa bulchiinsa nama cimaa Yaman irratti waraanaa hedduu gaggeessan.

   Hidhattoonni Huutii kun erga bulchaan biyyattii mormii Waraaqsa Arabaa (Arab Spring)n aangoorraa kaafamanii booda gara magaala guddoo biyyattii Sana'aatti qajeeluun bara 2014 keessa aango qabatan.

   Pirezidantiin dura aangoorraa kaafaman Saaleeh aangoorraa ari'atamusaanii ammalleen waan aaraniif loltootasaanii bobbaasuun ummata Yaman parsantaa 80 qabachuu danda'an.

   Huutiiwwan achiin battalamutti isa ajjeessan.

   Erga Huutiiwwan aangoo qabatanii booda, Yaman kan biyyoota Arabaa keessaa durayyuu iyyeettii turte, gara walwaraansaatti seenuun bittiinoofte.

   Ummannii gara 150,000 ajjeeffamuu kan tilmaamu yoo ta'u, miliyoononni ammoo nyaataa deeggarsaa irratti akka hirkatan ta'an.

   Huutiiwwan kan baayyeen isaanii Yaman biyya irra caalaan Sunnii ta'aniitti, amantaa Islaamaa Shiyaa damee Zaa'idii hodofanis ummata Yaman keessaa %15 ta'u. Isaaniis bulchitootaa sirrii akka ta'aniitti of ilaalu.

   Dhimmi Hutiiwwan ummata Yaman kaaniin adda isaan taasisu keessaa tokko ''irra caalaa waraana kan jaallatan, gara jabbeeyyiifi kan dheekkamanidha'' jedhan Ambaasadarri UK bara 2015-17tti Yaman keessa turan, Edmuund Filoon Biraawon.

   Huutiin meeshaalee waraanaa akkamiitiin dooniiwwan haleela?

8. 4 Guraandhala 2024Wiirtuun ajaja waraanaa US misaa'elii farra doonii Yaman keessaa barbadeesse jedhe

   Wiirtuun ajaja US (Centcom) kan amma UK waliin ta'uun hidhattoota Huutii Yaman jiranirratti xiyyeeffatee haleellaa haaraa raawwataa jiru, miisaa'elii farra doonii Yaman keessatti barbadeessuu beeksiise.

   Ibsa karaa miidiyaa hawaasaa maxxanseetiin, Centcom humnootiin isaa ''ofirraa ittisuuf jecha miisaa'elii farraa dooniiwwanii Huutiirratti haleellaa raawwataniiru,'' jedhe.

   Akka Waraanaa Ameerikaatti, miisaa'elii kun silaa kan dooniiwwan Galaanaa Diimaafi humnoota US irratti dhukaafamuuf qophaa'an ture. Kunis ''naannicha keessatti yaaddoo dooniiwwan humna galaanaa US fi dooniiwwan daldalaatiif yaaddoo hin ollee ture,'' jedhe.

9. 4 Guraandhala 2024Barakat Gooyitom: Lammii Ertiraa baqatummaa irraa ka'uun dhaabbata ijaarsaa biyyoota hedduutti hundeesse

10. 4 Guraandhala 2024Pirezdaantiin Namiibiyaa umurii ganna 82'tti du'aan boqotan

    Pirezdaantiin Namiibiyaa Hagee Geengob hospitaala magaalaa guddittii Windihook jiru keessatti utuu wal'aansa argachaa jiranii lubbuun isaanii darbeera.

    Pirezdaantiin Itti Aanaan Nangolo Mibuumbaa pirezdaantichi boqochuu Dilbata barii ibsaniiru.

    "Haati warraasaanii Moonikaa Geengosifi ijoolleensaanii isa waliin turan," jechuun Mibumbaa ibsaniiru.

    Hoogganaan umurii ganna 82 kun dhibee kaansariin hubamanii kan turan yoo ta'u, kanas uummataaf ifa kan taasisan baatii darbe ture.

    Bara 2015'tti pirezdaantii ta'uun kan muudaman Geengob, marsaa lammaffaaf pirezdaantummaan taajaajilaa turan.

    Bara darbe wal'aansa baqaqsanii hodhuu argatanii kan turan pirezdaantiichi, bara 2014'tti dhibee kaansarii pirosteetii irraa bayyaannachuu ibsanii turan.

    Namiibiyaan filannoo pirezdaantummaafi paarlaamaa Sadaasa keessa gaggeessuuf jirti.

11. 4 Guraandhala 2024Turkiin namoota dhaabbata basaasaa Israa'eliif odeeffannoo dabarsan jette to'atte

12. 4 Guraandhala 2024US ajjeefamuu loltootashee sadii haaloo bahuuf Iraaq fi Siiriyaatti iddoo 85 rukutte

13. 4 Guraandhala 2024Haleellaan tibbana Yaman keessatti raawwatame dubbii barbaacha miti- UK

    Ministirri Raayyaa Ittisaa UK haleellaan tibbana Yaman keessatti Huutiirratti raawwatamaa jiru dubbii barbaacha miti jedhe.

    Giraant Shaaps haleellaa qilleensaa humnootiin isaanii kan US waliin ta'uun buufataalee hidhattoota Huutiirratti raawwataniin ''kun dubbii barbaacha miti'' jedhan.

    Shaaps haleellaan Huutiin Galaanaa Diimaa keessatti dooniiwwan daldalaafi waraanaa irratti raawwatan ''seeraan alaa kan ta'eefi fudhatama kan hin qabneedha,'' jedhan.

    ''Lubbuu namoota nagaa tiksuufi bilisummaa imala galaanarraa mirkanneessuun itti gaafatamummaa keenya'' kan jedhan ministirri raayyaa ittisaa kun, itti dabaluunis duulichaan, ''kan madaaluufi Yaman keessatti bakka hidhattoonni Huutii jiranirratti kan xiyyeeffatedha,'' jedhan.

    Shaaps haleellaan haaraan amma waraanaa US-UKn waloon fudhatame kunis, ''akka dandeettiiwwan Huutii dadhabsuus'' amantaa qabaachuu himan.

14. 4 Guraandhala 2024BRICS: Gareen kun maali, biyyoota kamitu haaraa itti makame?

15. 4 Guraandhala 2024Qondaaltotni biyyoota Lixaa 800 imaammata Israa'el Gaazaarratti qabatte balaaleffatan

16. 4 Guraandhala 2024Jeettiiwwan US fi UK Huutiirratti haleellaa raawwachuuf osoo qophiitti jiranii suuraan

    Ministeerri Raayyaa Ittisa UK suuraalee osoo jeettiiwwan Tayifoon Huutiirratti haleellaa gaggeessan yeroo qophiitti jiran mu'isu qoode.

    Jeettiiwwan kunneen buufata humna qilleensaa biyyattii Saayipiras irraa yeroo ka'aniifi qophiitti jiran agarsiisu.

    Suuraalee ministiriichii qoodees kunooti, daawwadhaa.

    Akkasumas, Wiirtuun Ajaja US suuraalee humnoota Ameerikaa haleellaa tibbana buufataalee Huutii irratti raawwatame keessatti hirmaatan gadhiiseera.

    Suuraaleen kunneen wayita doonii waraanaa dhukaaftuufi yoo jeettiiwwan waraanaa dooniiwwan Ameerikaa irraa ka'an agarsiisu.

17. 2 Guraandhala 2024US diroonii dolaara biliyoona 4 baasu Indiyaatti gurguruuf murteessite

    Ministeerri Dhimma Alaa US dirooniiwwan 31, misaa'elootaafi meeshaalee waraanaa biroo dolaara biliyoona 4 baasu Indiyaatti akka gurgurtu murteesse.

    Diroonii MQ-9B Predator jedhamu Indiyaaf bifa gurgurtaan akka dabarfamee kennamu ifa kan taasifame bara darbe wayita MM Indiyaa Naarendiraa Moodiin Ameerikaa daawwatanitti ture.

    Haata'u malee, Sadaasa 2023 mootummaan Indiyaa nama sanyiin isaa Indiyaa ta'e Ameerikaa keessatti ajjeesuuf shira xaxeera jedhamuu hordofee qorannoon akka taasifamu murtaa'ee boodawaaliigalteen gurgurtaa kun akka turu taasifame ture.

    Waliigalteen kun Kongirasiitiin erga raggaasifamee booda bifa gurgurtaatiin Indiyaaf dabarfamee kennama jedhameera.

    Waliigalteen kun dirooniiwwan MQ-9B Skygurardian 31, misaa'ela AGM-114R Ilfaayer, akkasumas boombiiwwan gosa garagraa, meeshaaluu komunikeeshiniifi basaasaa kan hammatu ta'uu waajirri humna ittisaa Ameerikaa, Pentaagoon beeksiseera.

18. 2 Guraandhala 2024Qabsoo qonnaan bultoota Awurooppaa tiraaktaraan karaa cufe, killeefi aannaniin poolisii doorsise

19. 2 Guraandhala 2024Labsiin yeroo muddamaa dabalataan baatii afuriif dheereffame

    Manni Maree Bakka Bu’oota Ummataa labsiin yeroo muddamaa dabalataan baatii afuriif akka dheereffamu sagalee caalmaan raggaasise.

    Manni Marichaa walgahii addaa tokkoffaa kan bara hojiisaa waggaa sadaffaa har’a gaggeesseen murtee kana dabarse.

    Manni marichaa yaada murtee Manni Marii Ministirootaa walgahiisaa ALI Adoolessa 28, 2015n labsii lakkoofsa 1299/2015 nageenyaafi tasgabbii ummataa eegsiisuudhaaf baasee dheeressuuf dhiyaatee xiinxaluun ragaasiseera.

    Labsiin yeroo muddamaa 1299/2015 sagalee mormii lamaa fi callisa sadiin sagalee caalmaan baati afuriif akka dheereffamu raggaasiseera.

    Kana malees, yaada murtee bara hojii miseensoonni qorattoota labsii yeroo mudamaa dheereessuuf dhiyaate xinxaluudhaan yeroo hojiisaanii akka dheereffamuuf ragaasiseera.

20. 2 Guraandhala 2024Lammilee Itoophiyaa Sa’udii jiran rakkoon keessatti argaman akkasiin himu