Haruna Maitala, Aṣòfin Naijiria ọ̀mọ̀ rẹ̀, àwọn òṣìṣẹ́ méjì pádánú ẹ̀mí wọn nínú ìjàmbá ọkọ̀

Asofin to n soju ẹkun ariwa Jos/Bassa ni Ile Aṣojusofin Naijiria, Haruna Maitala ti padanu ẹmi rẹ ninu ijamba ọkọ.

Ijamba ọkọ naa waye ni opin ọsẹ lasiko to n rin irinajo lọ ni opopona ilu Abuja si ilu Jos.

Asofin naa ku pẹlu ọmọ rẹ ọkunrin ati awọn oṣiṣẹ rẹ meji lasiko ti wọn n lọ fun igbeyawo ọmọ rẹ ọkunrin ni ilu Jos.

Ninu atẹjade ti agbẹnusọ Asofin naa, Josẹph Adudu fi sita ni ijamba ọkọ gbigbona naa lo mu ẹmi aṣofin Haruna Maitala lọ.

Bakan naa lo fi kun un wipe opin ọṣẹ naa ni wọn sin in ni ọna ẹsin musulumi.

Lẹyin naa ni awọn olubaṣiṣẹ rẹ ati awọn akẹgbẹ rẹ ti n ṣedaro rẹ.

Wọn ṣe apejuwe rẹ gẹgẹ bi akinkanju eniyan, to fẹran araalu to si gbe igbeaye irẹlẹ lasiko to wa ni okeepe.

Arakunrin Suleiman Yahaya-Kwande ti Haruna gba ipo lọwọ rẹ ni ile igbimọ aṣofin ṣe apejuwe rẹ gẹgẹ bi ẹni to ṣe mu yangan ni awujọ nitori bi o ṣe soju awọn eniyan rẹ ni ile aṣofin Naijiria.

Haruna ni ẹni kẹta to jẹ aṣofin ti yoo papoda ni ọdun 2021,ti aṣofin to n soju ipinlẹ Jigawa, Yuguda Killa naa jade laye ni nkan bi osu kan ṣẹyin ati Asofin Ossy Prestige.

Awọn asofin miran ti wọn ti se alaisi lati igba ti wọn ti bura wọle fun wọn ni ọdun 2019 ni Jaafaru Illiyasu, Mohammed Faggen-Gawo ati Rose Oko.