Lóòtọ́ orin mi àti Lagbaja jọra ṣùgbọ́n ìyàtọ̀ díẹ̀ wà níbẹ - Labule

Ọpọ ọmọ Naijiria, paapaa awọn to jẹ ololufẹ orin Highlife ati Afrobeats ni wọn ti n saaro orin Lagbaja nitori pe o to ọjọ melokan ti eekan akọrin naa ti gbe ara rẹ kuro lagbo orin kikọ.

Amọṣa lasiko ti Lagbaja n kọrin ni ọdọmọkunrin kekere kan nigba naa ti n wo awokọṣe rẹ to si n tọ ipasẹ irinajo rẹ.

Arakunrin naa ti ọpọ mọ si Labule ti mu ipasẹ ọna orin Lagbaja bayii ti o si jẹ pe bi o ba ti n kọrin ọpọ ti ko ba tete mọ yoo maa bere pe ṣe Lagbaja niyi abi oun kọ.

Akọṣẹmọṣẹ imọ ẹrọ Civil Engineering ni Labule ni fasiti ilu Eko ki o to tun gba ilẹ Gẹẹsi lọ lati gba imọ kun imọ ninu rẹ; ṣugbọn ifẹ orin ko fi silẹ lo fi pada wa gbe igba orin ni Naijiria.