You’re viewing a text-only version of this website that uses less data. View the main version of the website including all images and videos.
Fuel Scarcity: IPMAN sọ fáwọn ọmọ ẹgbẹ́ rẹ̀ láti daṣẹ́ sílẹ̀ lọ́jọ́ Ìṣẹ́gun
Ọwọn gogo epo bẹntiro tun ti n kan ilẹkun gbọngbọn lorilẹede Naijiria tori bi ẹgbẹ awọn alagbajata epo rọbi, IPMAN se n gbero lati gbe awọn ileepo tipa kaakiri Naijiria.
Nigba to n ba awọn akọroyin sọrọ lọjọ Aiku niluu Jos, agbẹnusọ fun ẹgbẹ IPMAN, Yakubu Suleiman ṣalaye pe, ẹgbẹ naa ti sọ fawọn ọmọ ẹgbẹ lati da iṣẹ silẹ nitori bawọn ọlọpaa ti n dunkoko mọ wọn.
Suleiman ni awọn ọlọpaa tun ṣadede yabo olu ileeṣẹ ẹgbẹ IPMAN lọjọ Ẹti, lori aawọ to n ṣẹlẹ laarin awọn ọmọ ẹgbẹ lori ọrọ ipo olori.
- Á ba ọrọ̀ ajé Nàíjíríà jẹ́ nípa fífọ́ ọ̀pá epo rọ̀bí - Niger Delta Avengers
- Ẹ̀mí kan bọ́, ọ̀pọ̀ farapa ní Mọ́ṣáláṣí l‘Osogbo lásìkò àdúrà ètò ààbò táwọn Egúngún ṣe
- Látìgbà tí mo ti dé láti àhámọ́ ọlọ́pàá, ni mo ti ń rí ẹ̀jẹ̀ nínú ìgbọ̀nsẹ̀ mi - Baba Ijesha
- Ẹ yéé yá ìjọba Nàìjíríà lówó mọ́- Akintoye Ukiwe àti àwọn 125 mííràn kọ̀wé sí World Bank
- Dino Melaye sọ̀rọ̀ sókè lórí ọ̀rọ̀ ìfẹ́ tí wọn ló ní pẹ̀lú àwọn òṣèrẹ tíátà
- Olórin bíi Tiwa Salvage ni mo fẹ́ jẹ́ lọ́jọ́ ìwájú, ẹ má jẹ́ kí ń kú - Chidima afurasí apààyàn
- Àwọn àjẹ́ fọhún síta lórí ìgbésẹ́ àti pín Nàìjíríà sí wẹ́wẹ́
O ṣalaye siwaju si pe, idajọ ileẹjọ to ga julọ ni Naijiria lọdun 2018 sọ pe Ọgbẹni Chinedu Okoronkwo ni aarẹ ẹgbẹ IPMAN, nigba ti Alhaji Danladi Garba Pasali, si jẹ akọwe agba.
Suleiman ni bi awọn ọlọpaa ṣe n tapa si idajọ ileẹjọ yii ko le bi ọmọ rere fun ẹka epo rọbi ni Naijiria.
Agbẹnusọ ẹgbẹ IPMAN ni afaimọ ki igbesẹ awọn ọlọpaa yii maa jẹ ki ẹka epo rọbi ni Naijiria dẹnu kọlẹ.
Suleiman ṣalaye pe ọwọn gogo epo ni yoo ṣẹlẹ ti ẹgbẹ IPMAN ba le da iṣẹ silẹ lati ọjọ Iṣẹgun kaakiri orilẹede Naijiria.
O ni ẹgbẹ IPMAN ti n ṣepade kaakiri gbogbo ipinlẹ lati sọ fawọn ọmọ ẹgbẹ wi pe ki wọn da iṣẹ silẹ.
Agbẹnusọ ẹgbẹ IPMAN wa ke si ijọba lati wa nkan ṣe si bi awọn eeyan kan to fi mọ awọn ọlọpaa ṣe n tapa si idajọ ileẹjọ lori ọrọ IPMAN.
O ni ko si igba ti ẹgbẹ naa ko ni gbe awọn ileepo ti pa ti ọga agba ọlọpaa ni Naijiria ko ba wa wọrọkọ fi ṣada lori bawọn ọlọpaa ṣe yabo ile ẹgbẹ IPMAN lori ọrọ ti ileẹjọ ti yanju.
