Japan visit: Iléeṣẹ́ ààrẹ ní ẹgbẹ́ IPOB kò tako Buhari ní Japan

Ìye àkókó tí a fi kà á: Ìṣẹ́jú 1

Irọ funfun balau ni iroyin kan to n tan kaakiri lori ayelujara pe awọn ọmọ ẹgbẹ IPOB ti wọn yabo igbakeji ile igbimọ aṣofin agba l'Abuja tẹlẹ, Sẹnẹtọ Ike Ekweremadu lorilẹede Germany ṣewọde lati tako Aarẹ Muhammadu Buhari nigba to gunlẹ si orilẹede Japan lọjọ Aje.

Oludamọran pataki fun aarẹ lori ọrọ iroyin, Femi Adesina lo sọ fawọn ọmọ Naijiria nile ati nilẹ okere pe iroyin ofege lawọn kan n gbe kiri.

Ọgbẹni Adesina ni awọn ọmọ ẹgbẹ IPOB ko ni ohun kan ṣe pẹlu Aarẹ Buhari lati igba to ti de si ilu Yokohama lorilẹede Japan.

Femi Adesina ni awọn ma ri ma sọ eeyan kan lo gbe iru iroyin yii kiri pẹlu ayederu fọnran lati tan ọpọlọpọ jẹ.

Oludamọran aarẹ kilọ fawọn to n gbe iroyin ofege kiri pe ki wọn jawọn lapọn ti ko yọ nitori ọrọ Naijiria ti kọja iru iwa bẹẹ.

O ni Buhari ṣetan lati ṣe nnkan iwuri fun gbogbo ọmọ Naijiria nibi apero to da lorim igbasoke ilẹ Afirika ẹlẹẹkeje iru rẹ TICAD7.

Gomina ipinlẹ Eko, Kwara, ati Borno lo kọwọ rin pẹlu aarẹ lọ si orilẹede Japan.