NCAA: A fún àwọn adarí ní ọ̀sẹ̀ méjì si láti dá wọn lóhùn
Oríṣun àwòrán, Getty Images
Àpapọ̀ àwọn òṣìṣẹ́ ẹka irina ofurufu iyẹn NUATE ati ATSSSAN ti fagile iyansẹlodi ti wọn sọ wi pe awọn yoo gunle ni Ọjọ Keji, Osu Kini, ọdun 2019.
Alaga ẹgbẹ osisẹ National Union of Air Transport Employee (NCAA), Paul Igene ni awọn da iyansẹlodi naa duro nitori pe awọn adari ẹka eto irina ofurufu pẹtu si wọn ninu wi pe awọn ti kọ iwe ransẹ si ile-isẹ irina, pẹlu adehun wi pe awọn yoo da wọn lohun laarin osẹ meji.
Laipẹ yii ni awọn oṣisẹ labẹ asia awọn oṣiṣẹ agba fun awọn to n pese iṣẹ lẹka ofurufu, ATSSSAN ati awọn oṣiṣẹ ẹka ofurufuru Naijiria, NUATE sọ fun awọn oniroyin nipa ipinnu wọn lati bẹrẹ iyanṣẹlodi lọjọ keji, oṣu kinni, ọdun 2019.
Awọn alaga ẹgbẹ mejeeji ni o ti to ọdun mẹta ti wọn ti ṣe ìgbega lẹnu iṣẹ f'awọn ọmọ ẹgbẹ awọn to wa labẹ akoso NCAA.
Lucky Izebhokun ti o jẹ alaga ATSSSAN ati Ayodele Sofolayan ti NUATE ni o to gẹ pẹlu bi wọn ti ṣe n ko iyan awọn ọmọ ẹgbẹ awọn kere.
Wọn ni o jẹ ohun ti o kọ ni lominu bi awọn alakoso NCAA ti ṣe ma n gbe awọn eeyan wa lati ita lati wa jẹ olori le awọn ọmọ ẹgbẹ awọn ti o kun ọju oṣunwọn.
Lucky Izebhokun ni awọn yoo jọ wọya ija pẹlu NCAA ti wọn ba kọ lati ṣe igbega lẹnu iṣẹ fun awọn ọmọ ẹgbẹ awọn ki ọdun 2018 to pari.
Lọdun 2018, awọn oṣisẹ ẹka ọkọ ofurufu gun le iyanṣelodi kan ti ikọ BBC Yoruba si ba awọn arinrinajo sọrọ ni papakọ ofurufu Murtala Muhammed l'Eko.
