ASSU Strike: Ìpàdé ASUU àti ìjọba tún forí sánpọ́n

Ipade to n waye laarin ẹgbẹ olukọni ile ẹkọ giga fasiti lorile-ede Naijiria Asuu ati ijọba Naijiria tun ti fori sanpọn.

Lọjọ Aje nilu Abuja la ti gbọ wi pe awọn ọmọ ẹgbẹ ASUU binu jade kuro ninu ipade ti o yẹ ki wọn ṣe pẹlu awọn aṣoju ijọba ti Minisita fun ọrọ iṣẹ ni Naijiria Chris Ngige le waju wọn.

Chris Ngige to jẹ minista fun ọrọ iṣẹ ni Naijiria ni tootọ ni ijọba ṣe ipade pẹlu ASUU ni eyi ti wọn ti jọ n sọ asọyepọ lori awọn nkan ti ASUU n fẹ.

O ni ki awọn le jọ wa ọna abayọ naa loun ṣe pe ipade naa ati pé abọ iṣẹ ti a fun ẹnikọọkan nile iṣẹ ijọba ni a ṣẹṣẹ n to pọ ki a le mọ ọna abayọ.

Ni ipari o ni idi ti awọn ko ṣe yanju ọrọ naa ni pe oun ki onikaluku ri ọjọ diẹ lati wo awọn akọsilẹ naa wò ṣaaju keresimesi.

O fi idaniloju han pe awọn olukọ a fopin si iyanṣẹlodi na laipẹ ati pe awọn akẹkọọ a wọle nibẹrẹ oṣu kinni ọdun 2019.

O ni oun yoo ṣe ipade pẹlu minista fun eto inawo lati yanju ohun gbogbo ti ASUU n beere nitowo.

Gbogbo igbiyanju lati ba alaga ASUU sọrọ lo jasi pabo nitori o ni oun ko ni ohunkohun lati sọ ki Ngige jabọ ohun to ṣẹlẹ.

Ko ti daju oun to mu ki awọn olukọni naa binu jade ninu ipade ohun ṣugbọn saaju ipade naa la gbo wi pe ọgbẹni Ngige ti sọ wi pe ohun ni ireti wi pe ọrọ yoo ni iyanju.

Awọn olukọni ile ẹkọ fasiti Naijiria ti dẹgun le iyansẹlodi ọlọjọgbọrọ lati ọjọ kẹrin osu kakanla ọdun yi yi.

Ohun to mu wọn gun le iyansẹlodi naa ni awọn nnkian koko mẹta ta ti ri owo osu wọn ti wọn ni ko munadoko to,atunto ati atunṣe awọn ile ẹkọ to fi mọ ajẹmunu awọn olukọni naa.