Ẹ̀rọ CCTV tú àsírí ọkùnrin ẹni ọgbọ̀n ọdún tó fi ipá bá ọmọ ọdún mọ́kànlá lòpọ̀

Ọkunrin ẹni ọgbọn ọdun kan ti dero atimọle lẹyin ti ẹrọ ayaworan CCTV tu aṣiri rẹ lẹyin to fi ipa ba ọmọdebinrin ẹni ọdun mọkanla lopọ.̣

Iṣẹlẹ naa waye ni ilu Sapele, ni ipinlẹ Delta ninu ile kan ti wọn ri ẹrọ CCTV ọhun si.

Bo tilẹ jẹ pe ọkunrin naa ti wọn pe orukọ rẹ ni Jomaph sẹ́, aworan CCTV ọhun fi han pe o wọ iyẹwu tọ ọmọdebinrin naa lọ.

Iroyin ni, ni kete ti afurasi ọhun ri ara rẹ lori CCTV naa, ni ṣe lo yi ohun pada to si bẹrẹ si n bẹbẹ pe iṣẹ eṣu ni, ki awọn agbofinro to wa fi panpẹ ofin mu un.

Nigba to n fidi iṣẹlẹ ọhun mulẹ, agbẹnusọ ọlọpaa, DSP Onome Onowakpoyeya sọ pe ṣaaju ni afurasi naa ti kọkọ sẹ pe ohun ko mọ ohunkohunn nipa ẹsun naa, ṣugbọn o jẹwọ lẹyin to foju gan ni aworan ara rẹ lori CCTV.

Onome ni "Inu ile igbọnsẹ ni ọmọdebirin naa wa ki afurasi ọhun to wọle tọ ọ lọ, ṣugbọn o sẹ pe ohun ko fọwọ kan an.

"koda o ni ṣe ni o fẹ ba oun lorukọ jẹ, ṣugbọn lẹyinorẹyin, o jẹwọ lẹyin ti o ri ara rẹ ninu CCTV.

"Onome pari ọro rẹ pe wọn ti bẹrẹ igbesẹ lati dari ẹjọ naa si ẹka ileeṣẹ ọlọpaa to n ri si iwa ọdaran, CID.