Америка Қўшма Штатлари: Трамп тарафдорлари Капитолий биносига бостириб киришди, Байден "қамални" тўхтатишни талаб қилди - Дунё, янгиликлар
Дональд Трампнинг зўравон тарафдорлари Капитолий биносига бостириб киришди. Бугун Жо Байденнинг ғалабаси расман тасдиқланиши керак.
Конгресс аъзолари бинодан полиция ҳимоясида олиб чиқилган.
Миллий Гвардия чақирилгани маълум қилинган.
Жо Байден зўравонлик тўхтатилиши талаб қилиб, Трампни телевизион орқали "қамални" тугатишга даъват қилган.
Айрим хабарларга кўра, қурол ишлатилган ва камида бир кишига ўқ узилган.
Бир аёл бўйнидан яралангани учун оғир аҳволда экани хабар қилинган.
Кўздан ёш сиздирувчи газ қўлланган.
Аввалроқ, президент Трамп Оқ Уй қаршисида ўз тарафдорларини сайлов натижаларига қарши норозилик билдиришга даъват қилганди.
