Беларусь: Лукашенко қўлига автомат олди - Belarus, Lukashenko, Putin
Сурат манбаси, Getty Images
Беларусь: Лукашенко қўлига автомат олди - пойтахт Минск эса, мамлакат тарихидаги энг йирик намойишларга саҳна бўлди. Кеча, якшанба куни юз минглаб одамлар шаҳар кўчаларига чиқишди. Беларусь 9 август кунги зиддиятли президент сайлови ортиданоқ давомий оммавий норозилик намойишлари гирдобида қолган:
Норозилик намойишлари Минск ташқарисида ҳам кузатилди.
Беларусь Мудофаа вазирлиги намойишчиларга огоҳлик билан чиққан.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Тартибни бузган тақдирларида, армия - ҳарбийлари тинч қараб турмасликларини айтган.
Намойишчилардан айримлари "Шаҳар қаҳрамони" уруш ёдгорлиги ва президент саройи томон ҳам юрмоқчи бўлишган.
Аммо хавфсизлик кучлари уларни ўраб олган ва сўнгра тарқатиб юборган.
Александр Лукашенко кеча кечқурун Минскдаги қароргоҳига вертолётда учиб келган.
Аммо вертолётдан тушаркан, устида бронежилет ва қўлида автомат билан кўриниш берган.
Намойишлар кечаётган "Мустақиллик" майдонига жуда катта сондаги милиция ходимлари ташланган.
Хабарларга кўра, мухолифатнинг "Янги Беларусь марши" тинч ўтган.
Бундан аввалги намойишлар зўравон тўқнашувларга ҳам айланиб кетган.
Камида тўрт киши ҳаётдан кўз юмган.
Юзлаб намойишчилар ҳибсга олинишган.
Ҳибсхоналарда ўзларининг қийноқларга солинганликларини айтишган.
Бугун, душанба куни тонгда мухолифатнинг Мувофиқлаштириш кенгаши президиумининг икки аъзоси ушланган.
Шу соатларда кенгаш матбуот анжумани уюштирган.
Ўзларида "мухолифатнинг Россия билан алоқаларни узиш истагида экани"га оид бирор бир ҳужжат йўқлигини айтган.
Россия Ташқи ишлар вазири Сергей Лавров Ғарбни Беларусдаги вазиятга таъсир ўтказишда айблаб чиққан.
Россия президентининг матбуот котиби Лукашенко ва кичик ўғлининг автоматларда кўриниш бериши ҳодисасини шарҳлашдан бош тортган.
Дмитрий Песков яна бир бор Кремль Беларусь мухолифати билан музокаралар олиб бормаётгани, улар билан ҳатто алоқаси йўқлигини айтган.
Бундан аввал Гроднода сўзларкан, Лукашенко иш ташлаган корхоналарни ёпишга буйруқ берган.
Яна бир бор Нато мамлакат чегаралари яқинида яхшигина "ғимирлаб" қолгани ҳақида айтган.
Нато унинг бу қабила баёнотларини "асоссиз", деб рад этиб чиққан.
Сурат манбаси, EPA
Беларусь 9 август кунги зиддиятли президент сайлови ортиданоқ давомий оммавий норозилик намойишлари гирдобида қолган.
Унда яна амалдаги президент Лукашенко ғолиб чиққани эълон қилинган. Мухолифат эса, бунга ишонмаяпти. Лукашенконинг кетишини талаб қилишмоқда.
Орада Бош прокуратура Беларусь мухолифат лидерларига қарши жиноий иш очган.
Уларни "қудратни куч билан босиб олиш"да уринишда айблаган.
Чоршанба куни президент Александр Лукашенко ҳуқуқ-тартибот идораларига янги буйруқ билан ҳам чиққан.
Уларга пойтахт Минскадаги ўзига қарши оммавий намойишларни бостиришни буюрганди.
Ўшанда Лукашенконинг бу буйруғига мухолифат ва намойишчиларнинг муносабати ноаён қолганди.
Беларусда президентлик мақоми жорий этилган 1994 йилдан буён уни айнан Александр Лукашенко эгаллаб келади - ўтган беш президент сайловининг барчасида ғолиб чиққан номзод бўлади.
Александр Лукашенко Ғарб нигоҳида, таъбир жоиз, "Европанинг энг сўнгги диктатори" сифатида ҳам кўрилади.
Европа Иттифоқи Беларусдаги президент сайлови натижаларини тан олмаган.
"Эркин ва адолатли" бўлмаган сайлов юзасидан тез орада Беларусга янги жазо чоралари киритишларини айтган.
Беларусдаги вазиятни ҳам Россия ва ҳам Ғарб яқиндан кузатмоқда. Улар жараёнга бир-бирларининг аралашувидан хавотирда.
Беларуснинг иккинчи Украинага айланишидан қўрқувлар бор.
Сурат манбаси, Reuters
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
