Дунё: Осмондан тушган жасад лондонлик эркакни ўлдириб қўяёзди

Kenya Airways

Сурат манбаси, Public domain

Сурат тагсўзи, Чақирувга биноан зудлик билан етиб келган полиция, кейинроқ, жасаднинг Кениядан парвоз қилиб, Лондондаги Ҳитроу аэропортига қўнаётган самолётнинг шасси бўлмасидан тушганини аниқлаган.

Дунё: Самолётдан қулаган жасад лондонлик эркакни ўлдириб қўяёзди

Лондоннинг Клепем туманидаги ўз боғида қуёшда товланиб ётган эркак ёнига самолётдан одам жасади қулаб тушган. Бахтли тасодиф билан омон қолган эркакнинг қўшниси полицияга қарсиллаган овозни эшитганидан сўнг қўшни ҳовли томонга қарагани ва деворларга сачраган қон изларига кўзи тушганини билдирган.

Жасад дам олаётган уй соҳибидан атиги бир метр нарига келиб урилган.

Чақирувга биноан зудлик билан етиб келган полиция, кейинроқ, жасаднинг Кениядан парвоз қилиб, Лондондаги Хитроу аэропортига қўнаётган самолётнинг шасси бўлмасидан тушганини аниқлаган.

Айни вақтда жасаднинг шахси аниқланмаган бўлсада, марҳум Кеня Айрвэйс авиакомпаниясига тегишли самолёт орқали чиптасиз Лондонга келиб олишга урингани тахмин қилинмоқда.

Ҳодисадан кейин самолёт кўздан кечирилган ва чиптасиз йўловчи шасси бўлмасида 9 соат яшириниб, Лондонга қадар етиб келганини маълум бўлган.

Шунингдек, у яширинган ердан сув ва овқат ҳам топилган.

оффертон роуд в Клэпхэме

Сурат манбаси, PA Media

Сурат тагсўзи, Клепем

«Аввалига мен уни боғда ухлаяпти, деб ўйладим. Кийимлари, ҳамма нарсаси бор эди. Бироқ яхшилаб разм солгандан сўнг ҳовли деворларига сачраган қон изларини кўрдим. Унинг боши ғалати қайрилиб қолган эди. Шундан кейин унинг осмондан қулаб тушганини дарров сездим,» ҳикоя қилади қўшни эркак.

Skip Энг кўп ўқилган and continue reading
Энг кўп ўқилган

End of Энг кўп ўқилган

"Мен Хитроу аэропорти вакиллари билан гаплашиб кўрдим. Уларнинг айтишича, бундай воқеа, тахминан, ҳар беш йилда бир бўлиб турар экан," давом этади у.

Чипта сотиб олмай, шасси бўлмасида яширинча парвозни ўтказишга уриниш ноодатий ҳолат эмас.

Лекин манзилга омон етиб олинган тақдирда ҳам совуқ ҳаво ва кислород етишмаслиги инсон танасида оғир асоратлар қолдиради.

Жасад тушган жой

2015 йилда Лондондаги бинолардан бирининг томидан одам жасади топилган.

Кейинроқ унинг Жанубий Африкадан келган самолётдан қулаб тушгани ойдинлашган.

Бир вақтнинг ўзида аэропортда ҳам ана шундай мурда топилган.

2012 йил август ойида Кейптаундан Лондонга келган самолётнинг шасси бўлмасида эркак жасадига дуч келинган.

Ўша йилнинг сентябрь ойида эса Анголадан Лондонга парвоз қилган самолётнинг шасси бўлмасидан 26 ёшли Жозе Матада қулаб тушган ва ҳалок бўлган.

Анголадан Лондонга парвоз 12 соат давом этган.

Парвознинг аксар қисми давомида бўлмадаги ҳаво ҳарорати 60 даража совуқдан юқорига кўтарилмайди.

Telegram каналимиз: https://t.me/bbcuzbekBBCUZBEK.COM

Telegram орқали +44 7858860002 номери билан боғланинг.