Секс ва жинсий зўравонлик: Жинсий зўрланган бўлса, аёлнинг ўзи айбдор, трусигига қаранг...

Ирландиялик депутат аёл Рут Коппингер парламент мажлисига ўз ички кийими - тўрли трусигини олиб келган.

Бу билан жинсий зўравонлик ҳолларида жабрдийда аёлнинг ўзини айблаш ҳолларига эътибор тормоқчи бўлган.

У сўзининг аввалида ички кийимни мажлис аҳлига кўрсатиш - уятли иш эканини эътироф этган.

Аммо "трусиги маҳкама жараёнида кўрсатилган пайтда, жабрдийда аёл ўзини қандай ҳис этишини кўрсатиш учун бу ишга қўл урганлиги"ни айтган.

Парламент қачон жинсий зўравонликка қарши кескин чора кўради, деган саволни кун тартибига қўйган.

Жинсий зўравонлик: 'Зўрланганимни, ҳатто, сезмаган ҳам эдимʼ

Ўзбекистон, Самарқанд: "Еч иштонингни! Еч деяпман сенга, с...й" ёки ўзбек аёлини нега ечинтиришганди?

Ўзбекистон: "Оч, битлаган, ҳомиладор" - Қўқон қизлар коллежидаги даҳшатли аҳвол

Кўпчилик наздида ғайриодатий бўлиб туюлган бу ҳодисадан сал аввал Ирландия маҳкамаларидан бирида худди шу каби воқеа юз берган.

Адвокати ўзининг жинсий зўравонликда айбланаётган мижозини ҳимоя қилиш учун суд жараёнида жабрдийданинг трусигини кўрсатган.

Айнан аёлнинг ички кийими кишини ўзига тортувчи бўлгани сабаб, жинсий зўравонлик ҳолати рўй берганини айтган.

Бу ирланд жамиятида катта резонансга сабаб бўлган.

Ўз норозиликларини ифодалаш учун одамлар ҳатто кўчаларга чиқишган.

Масалага Ирландия Бош вазири аралашган, бу хусусда алоҳида чиқиш қилган.

Лео Варадкар бирор бир жабрдийда жамият томонидан қораланмаслиги шартлигини таъкидлаган.

Тафсилотлари видеолавҳамизда. Томоша қилинг ва ўз фикрингизни билдиринг.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek