Мирзиёев, Алишер Усмонов, Бенжамин Франклин, Ли Куан Ю – ўзбекистонликлар бугун кимдан руҳланади? O'zbekiston

Ўзбекистонликлар бугун кимдан руҳланади? - Би-би-си Ўзбек хизмати яқинда ўз ўқувчиларига худди шундай савол билан мурожаат қилган, уларни бугун айнан кимлар руҳлантириши билан қизиққанди. Жавоблар турфа, қолдирилган фикрлар орасида, "Чин кўнгилдан Аллоҳ деган қалб руҳланади, таскин топади", деган фикрлар устунлик қилган:

"Муҳаммад (с.а.в)", деб ёзиб қолдирилган коментларнинг ҳам кўп экани кўрилган.

Ўзбекистон минтақанинг энг йирик мусулмон давлати бўлади.

Ўзбекистон Президенти Шавкат Мирзиёевдан кейин Россиядаги асли ўзбекистонлик миллиардер Алишер Усмоновнинг номи энг кўп тилга олинган.

Алишер Усмонов сўнгги йилларда Ўзбекистонга энг кўп ёрдам бериб келаётган четдаги ўзбек миллиардери бўлади.

У Россиядаги энг бой ўнта миллиардердан биттаси саналади.

Миллиардернинг биргина глобал коронавирус пандемияси ва мамлакат тарихидаги энг йирик техноген ҳалокат фонида Ўзбекистонга берган кўмагининг ўзи бир неча ўн миллион долларга етади.

Худди шу ўринда фолловерларимиз орасида ўзини айнан "четдан пул олиб кирадиганлар руҳлантириши"ни айтганлар ҳам бўлган.

Улардан бири бунинг сабабини изоҳларкан, "чунки ички шахс шундан нафас олади. Мисол учун, врач, ГАИ-милиция, ўқитувчи, солиқчининг ўзидан тортиб, президентгача налогдан ойлик олади", деб ёзган.

Бошқаси, "Ўзбек халқининг руҳланишга вақти йўқ. У кетмон чопиши керак. Пахта экиши керак. Аёллари эркаклар ёнига қўшилиб, мардикорчилик қилиши керак. Тийин-тийин маош олиши керак ва топган пулларини уч кунда тўйга сарфлаб, кейин қарз тўлаши керак", деркан, коментини, "Хўш, нимадан, кимлардан руҳлансин халқим?", деган савол билан якунлаган.

Кейин яна, "Ватаним руҳлантиради. Содда, ақлли, ҳамма нарсага чидайдиган халқим, Ўзбекистон руҳлантиради", деганлар ҳам бўлган.

Тоқаев нимани ёқтирмайди ёки Шавкат Мирзиёев феномени - Ўзбекистон, минтақа ва президентлар - O'zbekiston

Янгиликлар: Мирзиёев мукофотлансин, президент кучаядиган ва Путин, раҳмат - Ўзбекистон, O'zbekiston

Саида, Зироатхон Мирзиёева, энди Озода Раҳмон ёрдам берди ва бермоқчи - bbcuzbek.com дайжести, Ўзбекистон, O'zbekiston

Фолловерларимиз орасида ўзини "Инсониятнинг энг буюк намояндалари" рўйхатига киритилган Бенжамин Франклин ёки "Сингапур миллати отаси", "Сингапур мўъжизаси ихтирочиси" Ли Куан Ю руҳлантиришини айтганларнинг ҳам борликлари кўрилган.

Яна айримлар саволимизга жавобан таниқли ўзбек хонандалари Шерали Жўраев ёки Юлдуз Усмонованинг номини тилга олишган.

Худди шу манзарада бошқа бирлари ўзини Ўзбекистон Халқ таълими вазири Шерзод Шерматов руҳлантиришини айтган.

Кимдир фарғоналик таниқли блогер ва печкачи Дима Қаюмдан ном тутган бўлса, яна кимдир ўзидан руҳланишини билдирган.

Орада "Америкага грин-карта ютволганларни эшитсам ёки лотереяга машина ютволсам, ҳамма нарса руҳлантиради", деганлар ҳам бўлган.

Бир эмас, учта қаҳ-қаҳ уриб турган эможи илова қилинган яна бир коментда эса, "Футбол бўйича Ўзбекистон миллий терма жамоаси", дейилган.

Фолловерларимизга бу каби савол билан чиқишимизга яқинда Россияда ўтказилган оммавий сўров сабаб бўлган.

"Левада" марказининг сўрови аксарият россияликни бугун президент Владимир Путин ва мухолифат сиёсатчиси Алексей Навальний энг кўп руҳлантиришини кўрсатган.

Сўров, глобал коронавирус пандемиясига қарамай, "Левада" маркази томонидан шу йил апрель ойида ўтказилган.

Бутун Россия бўйлаб 1600 дан ортиқ кишини қамраб олган.

Респондентларга телефон орқали мурожаат қилинган, савол очиқча қўйилган.

Улардан, "таниқли шахсиятлардан қай бирини ўзларига намуна сифатида кўришлари" сўралган.

"Фаол фуқаролик мавқеи билан бугун кимлар уларни руҳлантираётгани" билан қизиқилган.

Иштирокчиларнинг энг кўпи Владимир Путин, деб жавоб беришган.

Шуни ҳам айтиш керакки, фолловерларимиз орасида ҳам Россия президентидан ном тутганларнинг борлиги кўрилган.

Россия аҳолиси яна саноқли кунлардан сўнг конституцион тузатишларга оид референдумда овоз беради.

Агар, 1 июль куни тузатишлар маъқулланса, бу Путиннинг яна камида 16 йил қудратда қолишига йўл очади.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek